An Nowodhow - the News in Cornish

Recording 1
Myttin da. Dres an gwav, an gewer lyb a wrug meur a dhamach dhe enep an fordhow yn Kernow. Mes lemmyn, yma an gewer domm ha sygh ow kawsya kudyn dihaval – yma nebes fordhow ow teudhi drefen an tempredhow ughel. An kowethyans a dhyght an fordhow a-barth Konsel Kernow, Cormac y hanow, a leveris ev dhe dhanvon kertys rag lesa kemmysk a byg ha brewyon men war fordhow yw “goliadow dhe’n tomder”. Ena gweskys yw an brewyon y’n pyg gans jynn-rolya. Dyghtyer an rosweyth Steve Bayley a dhisplegyas bos an brewyon gesys war an fordh rag difres an enep nowydh dres pols, hag ena skubys yw an fordhow rag remova an devnydh lows.
Ev a geworras bos hwans dhe’n kowethyans oberi yn maner ragvewek ha dyghtya fordhow kyns aga bos arnewys gans an tomder.

Translation 1
Good morning. Throughout the winter, the wet weather did a lot of damage to the road surfaces in Cornwall. But now, the hot and dry weather is causing a different problem – some roads are melting because of the high temperatures. Cormac, the company that manages the roads for Cornwall Council, said that it was sending lorries to spread a mixture of tar and chippings on roads that are “vulnerable to the heat”. The chippings are then pressed into the tar by a roller. Network manager Steve Bayley explained that the chippings were left on the road to protect the new surface for a while, and then the roads were swept to remove the loose material.
He added that the company wanted to work proactively and treat roads before they were damaged by the heat.

Recording 2
Nessa seythen, an dewdhegves a vis Est, y fydh difyk an howl ogas dien gweladow dhyworth Kernow.
Ha Kernow a vydh onan a’n gwella tylleryow y’n Ruvaneth Unys dhe weles an difyk, a-ban vydh pymthek kansran ha peswar ugens a’n howl kudhys gans an loor. Y fydh hemma an difyk an moyha kowal dhe vos gwelys y’n pow ma a-dhia mis Est, mil, naw kans, nownsek ha peswar ugens, ha res vydh gortos bys dhe dhew vil, deg ha peswar ugens rag gweles an nessa. Y talleth an difyk dhe seytek mynysen wosa hwegh eur gorthugherweyth, hag ogas kudhys vydh an howl erbynn dewdhek mynysen wosa seyth. Res vydh kavos le ha dhodho gwel gler a’n howl hag ev ow sedhes, mes res vydh porres gwiska dewweder dhiogeledh du.

Translation 2
Next week, on August 12th,there will be an almost complete solar eclipse visible from Cornwall.
And Cornwall will be one of the best places in the UK to see the eclipse, as 95% of the sun will be covered by the moon. This will be the most complete eclipse to be seen in this country since August 1999, and we will have to wait until 2090 to see the next one. The eclipse starts at seventeen minutes past six in the evening, and the sun will be almost covered by twelve minutes past seven. You will need to find a spot with a clear view of the setting sun, but it will be absolutely essential to wear dark safety glasses.

Recording 3
Kronek ervys aventurus, Arnie hy hanow, re beu daskorrys dh’y ferghen wosa bos sawyes dhyworth kresen eylgylghyans Lannudhno. Arnie, hag yw kronek ervys benow spit dh’y hanow, a omgudhas yn sagh a skoll lowarth kyns bos gorrys dre wall dhe’n gresen eygylghyans gans hy ferghen, Jacqueline Sear.
Y’n gwella prys, hi a veu kevys gans mayni an gresen esa ow checkya an kibellow skoll glas pan welsons neppyth ow movya. Dyghtyer an gresen, Stuart Parker, a leveris y vos “fest sempel” dhe gavos perghen Arnie dre wul devnydh a’n system-ragerghi. An mayni a dhanvonas ebost dhe vyns a dheuth dhe’n gresen eylgylghyans an jydh na, ha dasunys veu Jacqueline gans Arnie kyns penn peswar our.
Ha henn yw oll ahanav vy an seythen ma. Terebo nessa!

Translation 3
An adventurous tortoise called Arnie has been returned to her owner after being saved from St Erth recycling centre. Arnie, who is a female tortoise in spite of her name, hid in a sack of garden waste before being accidentally taken to the recycling centre by her owner, Jacqueline Sear. Fortunately, she was found by the centre’s staff who were checking the green waste skips when they saw something moving. The manager of the centre, Stuart Parker, said that it was “quite simple” to find Arnie’s owner by using the booking system. The staff sent an email to everyone that came to the recycling centre that day, and Jacqueline and Arnie were reunited within four hours.
And that’s all from me for this week. Until next time!

Picture of the Helford by BBC Weather Watcher Gilly Gabben.