còmhla ri Niall Iain Dòmhnallach

Available for 27 days

Choinnich buidheann à diofar dhùthchannan Ceilteach ri chèile airson an tachartais Celtic Code 2026. Bha Etta May mar phàirt den bhuidheann a ghabh an turas gu Beul Pheairt, airson beagan làithean a chur seachad aig a’ chruinneachadh shònraichte seo. Tha i ag innse dè bh’ anns an tachartas. agus dè bha I dùil fhaighinn às. Ann an saoghal an fhasain, tha barrachd dhaoine a-nis a’ gluasad gu companaidhean nas seasmhaiche airson an aodaich aca. Tha barrachd dhaoine a-nis a’ faighneachd: cò às a thàinig seo agus cò rinn e? Saoil an e dìreach trend eile a tha seo, no an e dòigh fasan a mhaireas airson ùine fhada? Tha Abigail NicIomhair a’ toirt comhairle dhuinn mu chuid de na companaidhean seasmhach a tha air a bhith soirbheachail ann am Breatainn an-dràsta. Tha Hammy Sgìth ag innse mu na h-òrain a chuireadh e air ‘mixtape.’ Dè a thaghadh e agus carson?