còmhla ri Emma NicLaomainn

Available for 26 days

Bha Duolingo a’ sireadh cuideigin airson àrd-dhreuchd, agus mar phàirt den fhastadh, chruinnich iad fiosrachadh air mar a ghiùlain na tagraichean iad fhèin san tacsaidh air an t-slighe. Ged a bha aon neach air leth comasach, cha d’ fhuair e air adhart leis gun robh e mì-mhodhail. Ach dè tha fastaichean a’ sireadh dha-rìribh? A bheil na h-aon rudan cudromach an-còmhnaidh, no a bheil e nas motha na sgilean obrach a-mhàin? Am bi deuchainnean practaigeach ann, agus an aithnichear sa bhad cò tha freagarrach? No a bheil diofar dhòighean air an cleachdadh? Tha dithis a tha gu math eòlach air fastadh agus agallamhan a’ mìneachadh na tha iad fhèin a’ lorg. Thèid an fhèis bhliadhnail, Fèis Fiolm Dhùn Omhain, a chumail thairis air an deireadh sheachdain sa tighinn. Tha clàr-ama gu math farsaing air a chur ri chèile le Urras Leasachaidh Coimhearsnachd Dhùn Omhain agus Screen Argyll do dhuine sam bith aig a bheil ùidh ann am filmichean agus ann a bhith a’ dèanamh fhilmichean. Tha Alasdair Satchel, bhon bhuidheann Screen Argyll, ag innse dè tha dol aig an fhèis am bliadhna.