Belladrum, caraidean agus toileachas

Available for 28 days

A bheil càil sònraichte ann a bhios a' toirt gàire gu d' aodann aon uair 's gum faic thu e? Cù le cheann a-mach uinneag a' chàr? Seann chupal le làmh an làimh a chèile? Bidh Emma agus an sgioba air cùl na glainne a' còmhradh mu na rudan as fheàrr leothasan a bhith a' faicinn. Cluinnidh sinn bho Niall Iain Dòmhnallach agus Fiona NicChoinnich agus iadsan gu bhith a' toirt thugainn prògraman Belladrum 2026 air BBC ALBA thairis air an deireadh-sheachdain agus gheibh sinn a-mach cuin a bhios na prògraman ri fhaicinn agus cò bhios a' cluich. Agus leis gur e Làtha Eadar-nàiseanta a' Chàirdeis a th' ann an-diugh, tha Emma is Niall Iain a' dol aghaidh ri aghaidh ann am farpais-cheist a dhaingnicheas cò aca as eòlaiche air a chèile - saoil cò aca a tha nan caraid as fheàrr?