An Nowodhow - the News in Cornish

Available for over a year

RECORDING 1: Meur ras ha myttin da. Benyn neb a dreusvewas meninjitis bakteriol re dhynerghis towlennow governans dhe brofya bryghlinyow dhe yonkers dres an Ruvaneth Unys. Nans yw seythen, an governans a dheklaryas bos unn vilyon a dhegowogyon Ruvaneth Unys a vydh profys bryghlin, may fons difresys rag meninjitis B. Y teu wosa bagasow a gasys yn Kent, Weymouth ha Reading a-varra hevlena. Lucy Higgins a wodhevis strokas Nos Nadelik yn 2024, nownsek bloodh warn ugens hy oos, hag a veu kawsys gans meninjitis bakteriol. Dall yn rann y feu hi gesys, gans drog atti ha diallos dhe gerdhes po kewsel. Sinys a yll displegya distowgh, y’ga mysk brygh na dhisliw pan y’s gweskir gans gwedren, dallathvos tromm a derthen ughel, ha drog penn a-has hag ow kwetthhe. An governans a leveris y fydh an bryghlin dew y dhogen rag dyskyblon yn bledhen tredhek yn Pow Sows ha Kembra, ha keffrys rag an re na etek dhe bymp warn ugens aga oos, neb usi ow mos dhe bennskol po adhyskans pella anedhel rag an kynsa tro yn kynnyav. Kyns hy strokas, yth o Higgins gwarier lymm a belroos. Dy’Sul eus passys, ryb tenewen hy bagas Pelroos Kernow, hi a sevis moy es mil peuns rag alusen Livewell Southwest, neb a’s gweresas owth omwellhe. TRANSLATION: A woman who survived bacterial meningitis has welcomed government plans to offer vaccines to young people across the UK. The government announced one million UK teenagers would be offered vaccines to help protect them against meningitis B. Lucy Higgins suffered a stroke on Christmas Eve in 2024 at the age of 39 which was caused by bacterial meningitis. She was left partially sighted, with epilepsy and unable to walk or talk, and with epilepsy. Symptoms can develop suddenly, they can include a rash that doesn't fade when pressed with a glass, a sudden onset of high fever and a severe and worsening headache. The two-dose vaccine would be for pupils in Year 13 in England and Wales, Year 14 in Northern Ireland and S6 in Scotland, as well as those aged 18 to 25 heading to university or residential further education for the first time in the autumn. Before her stroke, Higgins was an avid netball player. RECORDING 2: Namna hedhas skol kynsa yn Kernow hy amkan sevel arghans, dhe enora dyskybel kyns, neb a veu ledhys yn Ukrayn, dre ravyans. Oberor sokor Chris Parry, eth bloodh warn ugens y oos, a verwis yn 2023 hag ev ow sawya dinasydhyon dhyworth parth kas yn Ukrayn Est. Ev re weresas moy es peswar kans a dus kyns bos tennys gans soudoryon privedh russek. Yth esa Chris dyskybel dhe Skol Gynsa Kemeneth Ke ogas ha Truru. Y hwaytir y hyll bos moy es deg mil a beunsow sevys rag ynstallya kovheans fast a’y vewnans. Kerens Chris, Rob ha Christine Parry, a leveris bos an towlennow rag gravyans “marthys”, hag y fons movys dhe dhagrow gans an tybyans. Grevyer Ben Dearsly a wra oberi gans rann a legh Delyow Boll, mayth eus ughelder Chris ha kolon yn hy kres dhedhi. TRANSLATION A Cornish primary school has nearly reached its fundraising target to honour a former pupil killed in Ukraine with a sculpture. Aid worker Chris Parry was 28 when he died in 2023 while rescuing civilians from the warzone in eastern Ukraine. He had helped rescue more than 400 people before being shot by Russian mercenaries. Chris was a pupil at Kea Community Primary School near Truro and it's hoped £10,500 can be raised to install a permanent reminder of his life.Parents Rob and Christine Parry said the plans for a sculpture were "wonderful" and the concept had brought them to tears. Sculptor Ben Dearsley will work with a piece of Delabole slate that is Chris' height which has a heart at its centre. RECORDING 3: Milyow a skodhyoryon ilow a lenwis stretow Aberfala dres an bennseythen eus passys rag Gool Keswlasek Morgan, ow tehweles rag y nessa tro warn ugens. Ordenoryon a leveris y vos martesen an moyha bysi bledhen hwath a’n hwarvos, gans moy es deg bagas ha peswar ugens dhyworth an Ruvaneth Unys oll ow performya yn diwottiow, gwarivaow, hag yn ayr mes. Godrigoryon a dheuth dhe stallow marghas ha gwriansow teylu dres an bennseythen ryb tenewen hwarvos golya Klassigow Aberfala. Ordenoryon a leveris an hwarvos dhe sevel moy es unnek warn ugens mil a beunsow a’n RNLI, hag ow pesya hwath an amontya. Yma’n ordenoryon hwath ow mires war-rag - an dedhyasow a’n gool bledhen a dheu yw settys rag etegves dhe’n ugensves a vis Metheven, 2027. Henn yw oll dhyworthiv vy, seythen splann genowgh. TRANSLATION Thousands of music fans packed Falmouth's streets over the weekend for the International Sea Shanty Festival returning for its 22nd year, Organisers said it could have been event's busiest year yet, with more than 90 groups from across the UK and overseas performing in pubs, on stages and out in the open air. Organisers said the event had already raised more than £31,000 for the RNLI, with counting still ongoing. Organisers are already looking ahead, the dates of next year’s festival are 18-20 June. Pic:Weather Watcher Cath.