An Nowodhow - the News in Cornish

Available for over a year

Recording 1 Kowethyans morek kernewek, Balaena y hanow, re berghenegas Bagas APCL orth kost a gans ha hanterkans a vilvilyow a beunsow.Bagas APCL yw an mammgowethyans a Cammell Laird hag A&P, neb yw an berghenogyon a borth lestri Aberfala.Selys yw Balaena yn Delyow Boll hag, oll war-barth lemmyn, y fydh ev perghen a dhewdhek lesterva, owth arveth moy es dew vil dhen a-dreus dhe’n Ruvaneth Unys ha Jibraltar.Balaena a dherivas y fynn ev arnowydhhe y lestervaow ha kesoberi gans koljiow leel rag lonchya towlennow trenyans ha kynserneth. Pennweythresek Simon Gillett a leveris y fedha an kowethyans fogellys war ragdresow defens, oyl ha gas morek, ha nerth nowedhadow.Ev a geworras y fedha moy a ober ow tos dhe Aberfala, ow surhe an diogeledh a sodhow y’n lesterva rag lies bledhen a dheu. Translation 1 A Cornish maritime company, Balaena, has taken over APCL Group at a cost of £150 million. APCL Group is the parent company of Cammell Laird and A&P who own Falmouth docks. Balaena is based in Delabole and, in total now, will own 12 shipyards employing more than 2,000 people across the UK and Gibraltar. Balaena reported that it will modernise its shipyards and work with local colleges to launch training and apprenticeship programmes.Chief Executive Simon Gillett said that the company would be focussed on defence, offshore oil and gas, and renewable energy projects. He added that there would be more work coming to Falmouth ensuring the security of jobs at the shipyard for many years to come. Recording 2 Konsel Kernow a dheklaryas na vynn ev gwertha an bargennyow tir perghennys ha dyghtys ganso. Warlena, an konsel a brofyas gwertha y estat a vargennyow tir rag sevel arghans, mes enebys veu an towlow ma gans tiogow ha kaskyrghoryon. Wosa hwithra an mater, an konsel re erviras gwitha y rosweyth a neb peswar ugens bargen tir hag, a-der aga gwertha, yma towlow dhodho rag arnowydhhe an estat ha gwellhe y berformans. Kowethas Bargenners a leveris aga bos pes da na vedha an estat gwerthys, ha neb unn tiek dhyworth Skorya, Josh Nicholls y hanow, a dhisplegyas bos bargennyow tir konteth posek dres eghen dhe diogow yowynk kepar hag ev. Yn-medh ev, “Y’n gwettha prys, nyns eus chons vyth a brena tir y’n dedhyow ma”, ow keworra bos bargennyow tir rentys an unsel dewis rag tus a vynna dalleth ammeth. Translation 2 Cornwall Council has announced that it will not be selling the farms that it owns and manages. Last year, the council proposed selling off its estate of farms to raise money, but these plans were opposed by farmers and campaigners.After looking into the matter, the council has decided to keep its network of approximately 80 farms and, rather than selling them, it plans to modernise the estate and improve its performance. The Tenant Farmers Association said that it was pleased that the estate would not be sold, and one farmer from Scorrier, Josh Nicholls, explained that county farms were extremely important to young farmers like him. “There's no chance of buying land unfortunately these days”, he said, adding that rented farms were the only option for people who wanted to begin farming. Recording 3 Gorhel karg nowydh, Menawethan y hanow, re dhrehedhas porth Pennsans hag ev a vydh parys, dell waytir, dhe dhalleth servisyow dhe Syllan kyns neppell. Drehevys veu an gorhel a-barth Bagas Gorhel Tan Syllan yn Vietnam le may hwrug ev perthi y brevyansow mor kyns dalleth y viaj hir dhe Gernow. Henwys yw ev war-lergh onan a’n Enesigow an Duryen diannedh, hag ev a wra arlehe an Gry Maritha re servyas an enesow dres moy es pymthek bledhen warn ugens. Y hwra an Menawethan viajya dhe Syllan dres oll an vledhen ha, keffrys ha don moy karg es an Gry Maritha, y fydh spas lowr ynwedh rag dewdhek trethyas. Dalleth a wra servisyow diwettha y’n vledhen ma hag yma govenek may fo kowbal nowydh, Scillonian IV, parys y’n vledhen a dheu. Ha henn yw oll ahanav vy an seythen ma. Terebo nessa! Translation 3 A new cargo ship, called Menawethan, has arrived in Penzance harbour and it is hoped that it will soon be ready to begin services to Scilly. The ship was built for the Isles of Scilly Steamship Group in Vietnam where it underwent its sea trials before setting out on its long voyage to Cornwall. It is named after one of the uninhabited Eastern Isles, and it will replace the Gry Maritha which has served the islands for more than 35 years. The Menawethan will travel to Scilly all year round and, as well as carrying more cargo than the Gry Maritha, there will also be enough space for twelve passengers. Services will begin later this year and it is hoped that a new ferry, Scillonian IV, will be ready next year. And that’s all from me for this week. Until next time! Photo of Porthcurno by BBC Weather Watcher Shropshire Liam.