चिनियाँ दूतावासले खोज तथा आपत्कालीन प्रतिकार्यबारे के भन्यो
काठमाण्डूस्थित चिनियाँ दूतावासले बुधवारको बाढीका कारण हराइरहेका व्यक्तिहरूको खोज तथा उद्धार संवेदनशील चरणमा रहेको जनाएको छ।
एउटा विज्ञप्तिमा उसले उद्धार र आपत्कालीन प्रतिकार्य नेपाल र चीन दुवैका लागि गम्भीर रहेको जनाएको छ।
दूतावासले नेपाल र चीन दुवैले जोखिमको निरन्तर निगरानी गरिरहेको र त्यसको व्यवस्थापनका लागि काम गरिरहेको उल्लेख गरेको छ।
पहिला बाढीपछि "पहिरो थुप्रिएर बनेको ताल"मा अहिले "पानीको तह उच्च रहेको र त्यहाँ पानी भरिएर बाहिर निस्किन थालेको" विज्ञप्तिमा उल्लेख छ।
त्यसबाट ताल भत्किन सक्ने जोखिम रहेको पनि दूतावासले जनाएको छ।
