'Dere - i weld gwlad arall' - Cerdd yr Wythnos Philippa Gibson

Cywydd (heb fod dros 12 llinell): Llysgennad

Syndrom Down. Di-ddawn fydd hi?

Ond er hyn, dyw’r rhieni

am ei rhwystro - mae’r ‘estron’

yn llysgennad o wlad lon.

Yn ei thro, daw’n athrawes

yn y wers am gwtsio’n nes

wrth uno mewn chwerthiniad,

ac yn gallu dysgu Dad

â’i geiriau, “I ninnau ’no

’sdim cystal â dal dwylo”.

Myn croten trwy’i gwên, yn gall,

“Dere - i weld gwlad arall.”

Philippa Gibson