Radio nan Gàidheal

Tha cosgaisean cumhachd air a dhol cho àrd air sgàth cogadh na h-Ucràine, agus tha mòran a’ gabhail ceum air ais bho bhith a’ cosg uiread air biadh a-muigh. A bheil seo ag adhbhrachadh gu bheil an gnìomhachas aoigheachd fhathast ann an staing, no a bheil an fheadhainn a tha a’ ruith gnìomhachasan a’ faireachdainn boillsgeadh beag dòchais? Tha dithis a tha a’ ruith thaighean-bìdh ag innse mu na dùbhlain a tha mu choinneamh an gnìomhachas aoigheachd an-dràsta. Bhàsaich an neach-ciùil cliùiteach Sonny Rollins an t-seachdain sa chaidh aig aois 95. Aithnichte mar “The Colossus of Jazz Saxophone”, chaidh còrr is 60 clàr fhoillseachadh leis, sgrìobh e co-dhiù 45 pìos ciùil, agus rinn e ainm dha fhèin leis an stoidhle-cluiche innleachdach aige, far an cuireadh e a stampa shònraichte fhèin air pìosan ciùil. Tha ùidh mhòr aig Michelle NicNeacail ann an ceòl jazz, agus tha i ag innse tuilleadh mu dheidhinn. Dè cho fada sa bhiodh tu deònach siubhal airson cofaidh blasda aig ìre àrd a cheannach? A bheil prìs gu diofar dhut gus am faigh thu cofaidh a tha gu mòr a’ còrdadh riut? Tha dithis air a bheil meas mòr air an deoch ag innse cho cudthromach 's tha cofaidh dhaibh.