TOOS, Sarkaal Mareykan ah oo sheegay in Iiraan iyo Mareykanka ay ku heshiiyeen inay yareeyaan xiisadda oo ay sii wadaan wadahadallada

Tebin toos ah

1. 20 Daqiiqadood ka horWar deg deg ah, Ku-xigeenkii Arrimaha Siyaasadda ee Ciidanka Badda Iiraan oo geeriyooday

   

   Xigashada Sawirka, IRNA

   Warbaahinta Iiraan ayaa sheegtay in Mohammad Akbarzadeh, oo ahaa ku-xigeenka sarkaalka arrimaha siyaasadda ee Ciidanka Badda ee IRGC, uu ku dhintay shil baabuur.

   Sida ay qortay wakaaladda wararka ee IRNA, shilku wuxuu dhacay markii baabuurkii uu la socday Mr. Akbarzadeh uu rogmaday isagoo marayay mid ka mid ah waddooyinka u dhexeeya gobollada Yazd iyo Kerman.

   Warbixintu waxay intaas ku dartay in Mr. Akbarzadeh loo qaaday xarun caafimaad, balse uu u geeriyooday dhaawac culus oo ka soo gaaray shilka.

2. Saacad ka horWar deg deg ah, Cudurka Ebola oo laga cabsi qabo inuu faafo

   

   Xigashada Sawirka, Amensisa Ifa / BBC

   Isu imaatinnada waaweyn ayaa laga mamnuucay caasimadda Kinshasa iyo saddex gobol oo ku yaalla waqooyiga Jamhuuriyadda Dimuqraadiga ah ee Kongo, sababo la xiriira cabsi laga qabo in cudurka Ebola uu ku faafo halkaas.

   Faafitaanka cudurka ayaa illaa hadda ku koobnaa waqooyi-bari dalka, balse maalmahan dambe waxaa kordhay tirada dadka uu cudurku ku dhacayo.

   Mas'uuliyiintu waxay sheegeen inay ka cabsi qabaan in cudurku gaaro Kinshasa, oo ay ku nool yihiin ku dhowaad 18 milyan oo qof.

   Hase yeeshee, siyaasiyiinta mucaaradka ee dalka Kongo ayaa ku doodaya in ujeeddada dhabta ah ee mamnuucidda isu imaatinnada ay tahay in lagu hor istaago dibadbax siyaasadeed oo la qorsheeyay inuu dhaco toddobaadka soo socda.

3. Saacad ka horWar deg deg ah, Degdeg: Toogasho ka dhacday Jarmalka oo dad ku dhinteen

   

   Booliiska dalka Jarmalka ayaa sheegay in laba nin iyo afar haween ah oo ku dhintay weerar toogasho oo ka dhacay magaalada Stade ee waqooyiga dalkaas ay ahaayeen shaqaale ka tirsan xarun daryeelka iyo taageerada dhallinyarada.

   Booliisku wuxuu sheegay in ninka looga shakisan yahay weerarka, oo la xiray, uu ku lug lahaa muran sharci oo la xiriiray mas’uuliyadda daryeelka gabadhiisa oo saddex bilood jir ah.

   Gabadha yar iyo hooyadeed ayaa ku sugnaa dhismaha xilliga uu weerarku dhacay, hase yeeshee wax dhaawac ah ma soo gaarin.

   Booliiska ayaa sidoo kale sheegay in laba qof oo kale su’aalo lagu weydiinayo dhacdada, iyadoo baaritaanku weli socdo.

4. 2 Saacadood ka horWar deg deg ah, Iiraan oo si adag ugu jawaabtay madaxweynaha Faransiiska

   

   Xigashada Sawirka, AFP/Anadolu

   Wasiir Ku-xigeenka Arrimaha Dibadda ee Iiraan, Kazem Gharibabadi, ayaa ka jawaabay hadal uu dhawaan jeediyay Madaxweynaha Faransiiska, Emmanuel Macron, isagoo sheegay in Iiraan oo keliya ay mas’uul ka tahay miino-baarista marin-biyoodka Hormuz, isla markaana aan dal kale loo oggolaan doonin inuu ka qayb qaato hawshaas.

   Qoraal uu ku daabacay barta X, Gharibabadi wuxuu sheegay in, sida uu dhigayo Heshiiska Isfahamka Islamabad, Iiraan oo keliya ay leedahay awoodda miino-baarista, mabda’ ahaanna aan la oggolaan karin faragelin shisheeye.

   Wuxuu ku tilmaamay xaaladda taagan mid xasaasi ah oo adag, isagoo uga digay Faransiiska inuusan hadalladiisa iyo tallaabooyinkiisu sii hurin xiisadda jirta.

   Dhanka kale, Madaxweyne Macron ayaa dhawaan, intii uu arrimaha amniga kala hadlayay Suldaanka Cumaan, Haitham bin Tariq, sheegay in Faransiisku uu la shaqayn doono xulafadiisa si loo miino-baaro marin-biyoodka Hormuz loona sugo ammaanka marinnada maraakiibta.

5. 2 Saacadood ka horMuhaajiriinta Koonfur Afrika ku nool oo cabsi wajahaya, xilli loo qabtay Talaadada berri ah

   

   Xigashada Sawirka, MALAWI GOVERNMENT

   Kumannaan muhaajiriin ah ayaa isku dayaya inay ka baxaan dalka Koonfur Afrika ka hor xilli kama dambays ah oo aan rasmi ahayn, kaas oo ay u qabteen kooxo ka soo horjeeda soo galootiga.

   Qaar badan oo ka mid ah muhaajiriinta ayaa isugu yimid xeryo ku-meel-gaar ah oo loo diyaariyey inay fududeeyaan ka bixitaanka dalka. Waxay sheegeen inay ka cabsi qabaan rabshado ka dhasha dibadbaxyo ballaaran oo la qorsheeyay inay dhacaan maalinta Talaadada.

   Qaar ka mid ah muhaajiriinta ayaa sheegay inay dalka kaga tageen lammaanayaashooda u dhashay Koonfur Afrika iyo carruurtooda yaryar.

   Boqolaal qof ayaa toddobaadyadii u dambeeyay dib loogu celiyay dalalkooda iyagoo raacay duulimaadyo loogu talagalay dib u celinta muhaajiriinta. Sidoo kale, dad badan ayaa isugu soo baxay qunsuliyadaha dalalkooda si ay uga codsadaan in laga caawiyo dib ugu laabashada waddamadooda.

   Ciidamo amni oo aad u badan ayaa la geeyay meelo kala duwan ka hor dibadbaxyada la filayo, halka Madaxweynaha Cyril Ramaphosa uu ugu baaqay shacabka inay isdejiyaan.

   Wararka qaar ayaa sheegaya in kooxo ay durba bilaabeen inay dadka ka dalbadaan inay soo bandhigaan dukumentiyadooda aqoonsiga iyo socdaalka.

   Dibadbaxayaasha ayaa ku doodaya inay doonayaan in dowladda ay si adag wax uga qabato socdaalka sharci darrada ah, iyagoo ku andacoonaya in muhaajiriintu ay shaqooyinka ka qaadanayaan muwaadiniinta Koonfur Afrika.

6. 3 Saacadood ka horWar deg deg ah, Kooxaha hubeysan ee Iiraan ay taageerto oo waqti kooban loo qabtay

   

   Xigashada Sawirka, Social Media

   Dowladda Ciraaq ayaa siisay kooxaha hubeysan ee xiriirka la leh Iiraan muddo ku eg dhammaadka bisha Sebtembar oo ka dhigan in saddex bilood oo dheeraad ah la siiyay si ay hubka isoo dhiibaan.

   Afhayeen u hadlay dowladda Ciraaq ayaa arrintan ku dhawaaqay kadib shir jaraa’id oo uu qabtay maanta.

   Ka hor booqashada uu Ra’iisul Wasaaraha cusub ee Ciraaq, Ali Fateh Zaidi, ku tagi doono Mareykanka, Washington ayaa cadaadis ku saareysay Baqdaad inay hubka ka dhigto kooxahan.

   Ali Zaidi ayaa lagu wadaa inuu booqasho rasmi ah ku tago Maraykanka qiyaastii laba toddobaad gudahood, isagoo ka jawaabaya casuumaad uu u fidiyay Madaxweynaha Maraykanka, Donald Trump.

   Intii uu socday dagaalkii u dambeeyay, qaar ka mid ah kooxahan hubeysan ee Iiraan taageerto, kuwaas oo isku magacaaba “Isbahaysiga Iska-caabbinta” ayaa weerarro ku qaaday xaruumaha Maraykanka ee gudaha Ciraaq.

7. 3 Saacadood ka horWiilka madaxweynaha Uganda iyo warbaahinta oo is wajahaya

   

   Xigashada Sawirka, Getty Images

   Hay’adda wararka madaxbannaan ee ugu weyn dalka Uganda ayaa sheegtay in aysan weli dib u billaabin howlaheeda, maalin kaddib markii taliyaha ciidamada Uganda, Muhoozi Kainerugaba, uu amar ku bixiyay in la xiro wargeyskeeda, idaacaddeeda iyo telefishankeeda.

   Maareeyaha guud ee hay’adda, Susan Nsibirwa, ayaa BBC-da u sheegtay in wargeysku uusan weli dib u soo bixin, halka idaacadda iyo telefishankuna ay wali xiran yihiin, kaddib markii ciidamada ammaanku ay xireen xafiisyada shirkadda ee ku yaalla magaalada Kampala.

   Waxay sheegtay inay weli ku sugan tahay meel qarsoodi ah, sababo la xiriira hanjabaado loo geystay, inkastoo qaar ka mid ah shaqaalihii la xiray la sii daayay habeenkii Axadda.

   Shirkaddu waxay sheegtay inay sugayso war dheeraad ah oo ka yimaadda mas’uuliyiinta, kaddib markii hay’adda dowladda u qaabilsan nidaaminta warbaahinta ay sheegtay inay baaritaan ku waddo go’aanka lagu xiray xarumaha warbaahinta.

8. 3 Saacadood ka horMaxaa ka jira in Ra'iisul Wasaare ku xigeenka Soomaaliya uu ku lug yeeshay falal ka soo horjeeda amniga iyo xasilloonida Kenya ?

   

   Xigashada Sawirka, Jibriil Cabdirashiid Xaaji

   Ra’iisul Wasaare Ku-xigeenka dowladda Federaalka Soomaaliya, Jibriil Cabdirashiid Xaaji ayaa beeniyay warar dhawaan la baahiyay oo sheegayay in laga celiyay garoonka diyaaradaha Joma kenyatta ee magaalada Niarobi, iyadoo loo sababay arrimo kala duwan.

   War qoraal ah oo u uku baahiyay bartiisa Facebook, ayu uku sheegay in wararka laga baahiyay ay yihiin kuwo been abuur ah oo runta ka fog.

   “Waxaan ka warqabaa eedeymaha lagu faafinayo baraha bulshada ee la xiriira safarkaygii dhowaan aan ku tegay Jamhuuriyadda Kenya. Waxaan si buuxda u diidayaa eedeymahaas. Waa kuwo been abuur ah, sal iyo raad aan lahayn, isla markaana aan wax caddeyn ah lagu hayn” ayuu yiri Jibriil Cabdirashiid Xaaji.

   Sidoo kale waxaa uu sheegay in aanu ku lug yeelan falal liddi ku ah amniga iyo midnimada dhuleed ee dalka Kenya. Qoraalka uu baahiyay ayu uku yiri:“Marnaba kuma lug yeelan wax fal ah oo lagu wiiqayo amniga, madaxbannaanida, xasilloonida ama midnimada dhuleed ee Jamhuuriyadda Kenya ama Jamhuuriyadda Federaalka Soomaaliya. Waxaan mar walba gudanayay waajibaadkayga qaran anigoo si buuxda u ixtiraamaya sharciga, nabadda gobolka iyo xiriirka wanaagsan ee derisnimo,”.

9. 3 Saacadood ka horWar deg deg ah, Degdeg: TDegdeg:Tirada dadka ku dhintay dhulgariirkii ka dhacay Venezuela oo korortay

   Guddoomiyaha Golaha Qaranka ee Venezuela, Jorge Rodríguez, ayaa sheegay in tirada dadka ku dhintay dhulgariirradii dhacay toddobaadkii hore ay kor u dhaaftay 1,700 oo qof.

   Isagoo khudbad ka jeedinayay telefishinka dowladda, Rodríguez wuxuu sheegay in in ka badan 5,000 oo qof ay ku dhaawacmeen musiibada, halka tobannaan kun oo qofna weli la la’yahay.

10. 6 Saacadood ka horAqalka Cad: witkoff iyo Rubio ayaa maanta warbixin Congress-ka ka siinaya arrinta Iran

    

    Xigashada Sawirka, AFP via Getty Images

    Steve witkoff oo ah ergeyga gaarka ah ee Donald Trump iyo xoghayaha arrimaha dibadda ee Mareykanka Marco Rubio ayaa maanta Congress-ka warbixin ka siin doona heshiiska Iran.

    Aqalka Cad ayaa sheegay in warbixinta lagu siin doono Aqalka iyo Senatka dhanka taleefanka.

    Donald Trump ayaa maanta ku dhawaaqay in Mareykanka iyo Iran ay ku kulmi doonaan magaalada Doha ee dalka Qatar maalinta Talaadada ah, kadib codsi ka yimid Tehran.

    Wax yar ka dib, Aqalka Cad ayaa sheegay in Steve witkoff iyo Jared Kushner, oo ah wakiilada sare ee Mr. Trump, ay u safri doonaan magaalada Doha ee dalka Qatar, si ay wadahadallada uga dhacaan.

    Sida laga soo xigtay Aqalka Cad, wada xaajoodyo farsamo ayaa sidoo kale ka dhici doona dhinaca wadahadallada heerka sare ah iyadoo ay joogaan wakiillada sare ee Donald Trump.

    Tehraan wali kama aysan jawaabin warka, laakiin ka hor inta uusan Donald Trump soo saarin kulanka Talaadada ee Qatar, Kazem Gharibabadi, oo ah madaxa kooxda wadahadalka farsamada ee Iran, ayaa beeniyay warar ay warbaahinta qaarkeed qortay oo ku saabsan qorshahan.

11. 8 Saacadood ka horDowladda Ciraaq ayaa u qabatay kooxaha taabacsan Iran saddex bilood inay hubka ku dhigaan

    Dawladda Ciraaq ayaa u qabatay kooxaha hubaysan ee Iran ku siyaasadda ah ilaa dhammaadka Sebtembar (saddex bilood oo kale) si ay u dhigaan hubka.

    Afhayeenka dawladda Ciraaq ayaa warkan ku sheegay shir jaraa’id oo uu maanta qabtay.

    Ka hor booqashada Cali Zaidi, Ra'iisul Wasaaraha cusub ee Ciraaq, uu ku tagayo Mareykanka, Washington waxay ku cadaadisay Baqdaad inay hubka ka dhigto kooxahan.

    Zaidi ayaa u safri doona dalka Mareykanka muddo labo todobaad gudahood ah kadib casuumaad rasmi ah oo uu ka helay Donald Trump.

    Dagaalkii ugu dambeeyay, qaar ka mid ah kooxahan hubaysan ee u dhow Iran, oo isku magacaabay "Axis of Resistance," ayaa weeraray danaha Maraykanka ee Ciraaq.

12. 29 Juunyo 2026Reuters: Wadahadallada farsamo ee Iran iyo Maraykanku oo ka dhici doona Doha maalmaha soo socda

    

    Xigashada Sawirka, Getty Images

    Ilo xog ogaal ah oo ka tirsan wadahadallada Iiraan iyo Mareykanka ayaa u sheegay Reuters in kooxaha farsamada ay hadda ka shaqeynayaan hab lagu hirgelinayo heshiiska is-afgaradka, waxaana la qorsheeyay inay ku kulmaan Doha maalmaha soo socda.

    Sida laga soo xigtay ilo xog ogaal ah, dhexdhexaadiyayaashu waxay sameeyeen waddooyin isgaarsiineed si loo yareeyo xiisadaha loogana hortago dhacdooyinka suurtagalka ah, wadahadallada farsamada ayaa sidoo kale la filayaa inay sii socdaan.

    Hadda, Kazem Gharibabadi, oo ah madaxa kooxda gorgortanka farsamada ee Iiraan oo ku sugan Cumaan, ayaa ku dhawaaqay in la qabanayo shirkii ugu horreeyay ee wadajirka ah ee Guddiga Marinka Hormuz ee labada dal ku yeelanayaan Muscat.

13. 29 Juunyo 2026Tirada dadka ku dhintay weeraradii Pakistan oo korortay

    

    Xigashada Sawirka, Getty Images

    Waxaa korortay tirada dadka ku geeriyooday weerarrada ay geystay Pakistan.

    Pakistan waxay sheegtay in habeenkii Axadda, iyada oo ku salaynaysa waxa ay ku tilmaantay "xog sirdoon oo la hubo", ciidamada Pakistan ay dileen 25 dagaalyahan kadib markii ay beegsadeen saddex goobood oo lala xiriiriyay Jamaat-ul-Ahrar iyo Tehreek-e-Taliban Pakistan ee gobollada Paktika, Paktia iyo Kunar.

    Ha yeeshee afhayeen u hadlay Taliban, ayaa ku tilmaamay hawlgalkaas mid "fulaynimo ah" iyo "arxan-darro", isagoo ku eedeeyay in duqeymaha cirka ee ciidamada Pakistan ay beegsadeen goobo ay rayidku deggan yihiin, taasoo sababtay dhimashada 36 qof, oo ay ku jiraan haween iyo carruur, halka 163 kalena ay ku dhaawacmeen.

    Pakistan waxay sidoo kale sheegtay in weerarradan ay sababeen in la burburiyo hub iyo rasaas tiro badan, oo lagu kaydiyay xarumaha ay ku sugnaayeen kooxaha hubeysan.

    Bayaan lagu daabacay barta X oo uu habeenkii Axadda soo dhigay Atta Tarar, Wasiirka Federaalka ee Warfaafinta iyo Baahinta ee Pakistan, ayaa lagu sheegay in kadib dhacdooyinkii la xiriiray xagjirnimada ee Khyber Pakhtunkhwa iyo Balochistan, iyo weerarkii lagu qaaday xero ay lahaayeen Pakistan Rangers ee Karachi habeenkii Sabtida, la beegsaday xeryo iyo goobo ay ku dhuumaaleysanayeen dagaalyahanno ka tirsan Jamaat-ul-Ahrar iyo kooxda loo yaqaan Fitna-ul-Khawarij ee ku yaallay deegaannada xuduudda u dhexeeya Pakistan iyo Afghanistan, iyadoo la fuliyay laba hawlgal oo kala duwan oo si sax ah loo qorsheeyay.

    Sidoo kale akhri

    WFP oo digniin kasoo saartay xaaladda cunno-yarida Soomaalida

    Waxa aan ka ognahay shilka diyaaradeed ee ka dhacay Sacuudiga

    Qoysas raadinaya ehelladooda oo ku hoos jira burburka dhulgariirkii Venezuela

    Waa kuma ciyaaryahanka Afrikaanka ah ee ugu goolasha badan taariikhda Koobka Adduunka?

14. 29 Juunyo 2026Saynisyahanno ogaaday waxa keena cirrada timaha, sheegayna in xal loo heli karo

    

    Xigashada Sawirka, Getty Images

    Saynisyahanno Maraykan ah ayaa rumaysan in ay ogaadeen waxa dhaliya cirrada timaha.

    Koox ka tirsan jaamacadda New York (NYU) ayaa muddo darsayay dooli leh unugyada timaha ee bani’aadanka oo kale, waxaana ay ogaadeen in ay jiraan unugyo sameeya midabada timaha oo hawlgab noqda.Saynisyahannada ayaa sheegay in daraasadda ay fure u noqon karto in dawo loo helo cirrada timaha.

    Waxyaabaha keena cirrada

    Khubarada ayaa siyaabo kala duwan uga hadlay waxa sababa in timaha ay cirro yeeshaan.

    Cunno xumida, walwalka badan, iyo qaab dhaxal ah ayaa lagu sheegay sababaha ugu weyn ee keena cirrada.

    Inkastoo dadka badankood aanay jeclayn cirrada timaha, haddana waxaa jira dad aanay dhib ku hayn oo ku qanacsan madaxa cad.

    Khubarada ayaa ka digay in la siibo cirrada timaha, maadaama tinta soo baxda ay weli cirro ahaan doonto.

    Dr Leila Asfour oo ku takhasustay maqaarka bani’aadanka ayaa BBC u sheegtay in ganacsiga midabada la mariyo timaha uu yahay mid ballaaran.

    “Ganacsiga midabada timaha ee caalamka waxaa lagu qiyaasaa mid qiimo ahaan gaari doona 33.7 bilyan oo dollar sanadka 2030. Waxa ay muujinaysaa baahida loo qabo,” ayay tiri.

    Qaabke ayay timaha cirro u yeeshaan?

    Sii akhri

15. 29 Juunyo 2026War deg deg ah, Degdeg: Xisbiga KAAH ee Somaliland oo dhaliilay safarkii dhawaan ee Cirro

    

    Xigashada Sawirka, KAAH

    Xisbiga KAAH ee jamhuuriyadda gooni isutaageeda ku dhawaaqday ee Sonaliland ayaa kahor yimid safaaradda ay Somaliland dhawaan ka furatay Somaliland.

    “Xisbiga KAAH marnaba ma aqbalayo wuxuuna hoosta ka xariiqayaa in arrimaha aqoonsi raadinta la dul saaro oo lagu qariyo arrimaha masiiriga ah ee jamhuuriyadda Somaliland”, ayuu yiri Xoghayaha Arrimaha dibadda Xisbiga KAAH, Ambassador Barkhad M Kaariye oo muuqaal soo dhigay barta Facebook-ga ee xisbiga.

    “Madaxweynaha waxaa looga fadhiyaa heshiisyada uu soo galay oo dhameystiran isla markaana aan ku koobnayn heshiisyo qodoba ah oo kooban”, ayuu yiri.

    Waxaa uu xisbigu sheegay in laga digayo in xukumadda maanta talada haysa ay meel madoow la gasho masiirki umadda, waa siday iyagu hadalka u dhigeene.

    Somaliland ayaa dhawaan saafaradeeda ka furatay Qudus.

    “ Xukuumaddu iyadaa hore u tidhi Jihaad wuxuu yaallaa Quddus oo jidaynaysay, maantana iyadaa wax kale ku hadashay! Waa jahawareerka siyaasadeed ee Xukuumaddeena haysta”, ayaa lagu yiri qoraalka muuqaalkaas xisbiga KAAH.

    Dhanka kale, dhawaan madaxweynihii hore ee Jamhuuriyadda gooni isutaageeda ku dhawaaqday ee Somaliland, Muuse Biixi Cabdi, ayaa ku taliyay in laga fiirsado heshiisyada siyaasadeed ee la galayo, xilli ay caalamka ka dhacayaan isbedello siyaasadeed oo waaweyn.

    Qoraal uu ku daabacay bartiisa Facebook, ayaa madaxweyne hore Muuse Biixi ku yiri: sidaan “Waxa muuqata saamaynta awoodda dawladaha Muslimka ah ee kala ah Iran, Pakistan, Turkiga, Masar iyo sucuudiga, Waxaana suurta gal ah in dawladahani sidii hore iskaga soo dhawaadaan, sababta oo ah is-maan-dhaafka sii xoogaysanaya ee u dhexeeya hoggaanka Maraykanka iyo Israa’iil, oo aan la dhayalsan karin, raadkiisana yeelan doonaa”.

    Wuxuu intaa ku daray in ay muhiim tahay in laga feejignaado waxa ka imaan kara heshiisyada siyaasadeed ee la galayo, isagoo si gaar ah xukuumadda Somaliland ugu baaqay in ay aad uga fiirsato waxa ka dhalan kara gelitaanka heshiisyada caalamiga ah si aaney wax ugu dhimin Somaliland, waxaana uu ku yiri qoraalkiisa:

    Israa'iil iyo Somaliland oo markii ugu horeysay ka hadlay kulan qarsoodi ah oo yeesheen aqoonsiga ka hor

    Maxaan ka ognahay ilaa iyo hadda safarka uu madaxweyne Cirro ku tagay Israa'iil?

    Dalal carbeed iyo kuwo islaam ah oo cambaareeyey safaaradda ay Somaliland ka furanayso Quddus

16. 29 Juunyo 2026Saraal sare oo boolis ah oo ka badbaaday iskuday lagu khaarijin rabay

    

    Xigashada Sawirka, Getty Images

    Mid ka mid ah saraakiisha booliiska ugu sarreeya Koonfur Afrika ayaa ka badbaaday isku day dil oo ka dhacay magaalada Johannesburg, sida ay booliisku sheegeen.

    Ku-xigeenka madaxa sirdoonka la-dagaallanka dambiyada, Maj-Gen Feroz Khan, ayaa la toogtay fiidnimadii Axadda xili uu ka yimid daawashada cayaar kubadda cagta ah kuna sii socday gurigiisa.

    Warbaahinta maxalliga ah ayaa sheegay in sarkaalka loola cararay isbitaal, halkaas oo loogu sameeyay qalliin degdeg ah.

    Toogashadan ayaa dhacday maalmo yar ka hor inta uusan Khan ka hor muuqan guddi baaritaan dadweyne oo loo sameeyay in lagu baaro dambiyada iyo musuqmaasuqa ka dhex jira booliiska South Africa.

    Afhayeenka booliiska Koonfur Afrika, Brig Athlenda Mathe, ayaa bayaan ay soo saartay Isniintii ku sheegtay, in booliisku ay wadaan baaritaan.

    Waxaad sidoo kale akhrisan kartaa:

    Waxa aan ka ognahay shilka diyaaradeed ee ka dhacay Sacuudiga

    Qoysas raadinaya ehelladooda oo ku hoos jira burburka dhulgariirkii Venezuela

    Waa kuma ciyaaryahanka Afrikaanka ah ee ugu goolasha badan taariikhda Koobka Adduunka?

17. 29 Juunyo 2026Sarkaal Mareykan ah oo sheegay in Iiraan iyo Mareykanka ay ku heshiiyeen inay hoos u dhigaan xiisadda

    

    Xigashada Sawirka, Getty Images

    Maraykanka iyo Iiraan ayaa la sheegay inay ku heshiiyeen inay joojiyaan weerarradii is-daba-joogga ahaa ee ay is-weydaarsanayeen, isla markaana ay bilaabaan wadahadallo cusub oo lagu doonayo in lagu xalliyo khilaafka ka taagan Marin-biyoodka Hormuz.

    Sarkaal Maraykan ah ayaa sheegay in labada dhinac ay hadda "joojinayaan" colaadda, ayna oggolaanayaan in maraakiibtu si xor ah u maraan marinka.

    Dhanka Iiraan weli ma jiro wax xaqiijin rasmi ah oo arrintan ku saabsan.

    Weerarradii is-dhaafsiga ahaa ee mar kale dib u billowday waxaa sababay is-afgaranwaa ku saabsan nooca marinada loo oggol yahay inay maraan ama isticmaalaan marin-biyoodkan muhiimka ah.

    Saraakiil ka socota Iiraan iyo Cumaan ayaa yeeshay kulankii ugu horreeyay ee guddi wadajir ah oo loo sameeyay ka doodista arrintan, taas oo halis gelin karta xabbad-joojinta hadda jirta.

    Shirkan ayay ku yeesheen magaalada Muscat ee caasimadda dalka Cumaan.

    Sida laga soo xigtay Wasiir Ku-xigeenka Arrimaha Dibadda ee Iiraan, kulankani wuxuu ku jiraa qaab-dhismeedka cutubka shanaad ee heshiiska is-afgaradka ee Iiraan iyo Mareykanka ee ku saabsan Gacanka Hormuz.

    Waqtigan xaadirka ah, Iiraan iyo Cumaan waxay ku dhawaaqeen laba waddo oo kala duwan oo ay maraan maraakiibta.

    Waxaad sidoo kale akhrisan kartaa:

    Xiisadda ka taagan marin biyoodka Hormuz oo cirka isku sii shareertay iyo Maraykanka iyo Iran oo isu hanjabaya

    Maraykanka oo duqeeyey mar kale bartilmaameedyo Iran ah

    Qiimaha shidaalka oo ku soo laabtay halkii uu joogay dagaalka ka hor iyo maraakiibta maraysa Hormuz oo soo badatay

18. 29 Juunyo 2026Awoodda markabka cusub ee dagaalka ee badda quusa ee Pakistan?

    

    Xigashada Sawirka, Getty Images

    Markabkii ugu horreeyay ee ah nooca quusa ee Gujiska ee dagaalka ee Ciidanka Badda Pakistan, Hangor, ayaa soo gaaray dekedda Karachi.

    Si kastaba ha ahaatee, tani ma aha oo kaliya imaanshaha markab quusa oo cusub, balse sidoo kale waa soo noqoshada magac taariikh muhiim ah ku leh Ciidanka Badda Pakistan.

    "Hangor" waa nooc ka mid ah libaax-badeedka oo si aamusan u ugaarsada xawayaanka kale. Wuxuu si dulqaad leh ula socda waxa uu ugaarsanayo ilaa uu helo fursadda ku habboon, dabadeedna si lama filaan ah ayuu u weeraraa.

    Dagaalkii badda ee sannadkii 1971 ee dhex maray markabkii quusa ee Pakistan ee Hangor iyo markabkii dagaalka ee Hindiya ee INS Khukri ayaa ah dhacdo caan ku ah taariikhda dagaallada badda. Iska horimaadkaas ayaa weli loo xusuustaa inuu ka mid yahay dhacdooyinkii ugu waaweynaa ee ka dhacay gobolka.

    Hadda, ku dhowaad 55 sano ka dib, markab quusa oo cusub, casri ah, isla markaana sita magaca Hangor ayaa ku biiray maraakiibta quusa ee Ciidanka Badda Pakistan, isagoo sii wada dhaxalka magac si gaar ah uga dhex muuqda taariikhda ciidanka badda ee dalkaas.

    Sida ay sheegeen Ciidanka Badda Pakistan, markabka quusa ee PNSM Hangor, oo lagu sameeyay iskaashi dhinaca difaaca ah oo u dhexeeya Pakistan iyo Shiinaha.

    Sii akhri

19. 29 Juunyo 2026Pakistan ​​oo weerarro dhimasho leh ka fulisay xuduudda Afgaanistaan

    

    Xigashada Sawirka, Getty Images

    Pakistan ayaa sheegtay inay qaaday duqeymo cirka ah iyo weerarro dhulka ah oo ka dhan ah bartilmaameedyo ay ku tilmaantay maleeshiyaad Islaamiyiin ah oo ku yaalla gudaha xadka Afghanistan.

    Wasiirka Warfaafinta Pakistan, Attaullah Tarar, ayaa sheegay in weerarradu ay ka dhaceen gobollada Paktia, Paktika iyo Kunar.

    Mas’uuliyiinta Taliban ee Afghanistan ayaa dhankooda sheegay in tobannaan qof oo rayid ah la dilay ama lagu dhaawacay weerarradaas.

    Weerarradan ayaa yimid maalmo yar kadib markii koox Islaami ah ay weerartay xero ay leeyihiin ciidamada ilaalada xuduudaha Pakistan (Rangers) oo ku taalla magaalada Karachi ee koonfurta dalka, halkaas oo lagu dilay saddex askari.

    Islamabad waxay ku eedeysay dowladda Taliban ee Kabul inay hoy iyo gabaad siiso maleeshiyaadka weerarrada ku qaada ciidamada Pakistan, eedeyntaas oo maamulka Kabul uu si cad u beeniyay.

    Waxaad sidoo kale akhrisan kartaa:

    Awood intee dhan ayuu leeyahay markabka cusub ee dagaalka ee badda quusa ee Pakistan?

    Wasiirka arimaha gudaha Pakistan: 'Warqad qaas ah' ayaa la iigu dhiibay Mojtaba Khamenei

    Burcad badeed Soomaali ah oo markab ka dalbaday madaxfurasho 3 malyan oo doollar ah: Ansar Burney Trust

20. 29 Juunyo 2026Muxuu yahay xanuunka ku dhacay ninkan ee uu uga digay ragga?

    

    Xigashada Sawirka, Getty Images

    Aabe laba carruur ah leh ayaa ku dhawaaday inuu carrabkiisa waayo ka dib markii buro yar oo daanka hoostiisa ka soo baxay ay isu beddeshay kansar.

    Anthony Perriam wuxuu u tagay Dhakhtarkiisa Guud ka dib markii uu markii ugu horreysay isku arkay buro, dhowr toddobaad ka dibna waxaa laga helay kansar madaxa iyo qoorta ah oo la xiriira fayraska HPV.

    HPV waa koox fayras oo caadi ah oo saameeya maqaarka oo aan dhibaato ku keenin dadka badankood, laakiin noocyada qaarkood waxay sababi karaan kansar ama burooyinka xubnaha taranka.

    "Waxaan waligay maqlayey oo keliya HPV oo la xiriira kansarka ilmo-galeenka. Ma aanan ogeyn inay sababi karto kansarro sidan oo kale ah, gaar ahaan ragga," ayuu yiri Anthony, oo ka yimid Cardiff, Wales.

    Anthony wuxuu intaa ku daray "Waxaan isku arkaa inaan nasiib leeyahay in aan weli wax cuni karo oo hadli karo, laakiin haddii aan arrintan sii dayn lahaa muddo dheer, waxaan lumin lahaa carrabka ama xitaa waa dhiman lahaa."

    Dadka badanaa uu haleelo fayraska HPV, jirka ayaa si dabiiici ah isaga saara sida laga soo xigtay NHS Wales.

    Si kastaba ha ahaatee, wuxuu sababi kartaa burooyinka xubinta taranka ama xitaa waxay horseedi kartaa kansar, badanaa kansarka madaxa iyo qoorta ragga, iyo kansarka ilmo-galeenka dumarka.

    Sii akhri