ትራምፕ ምቍራጽ ተዅሲ ኢራንን እስራኤልን ግብራዊ ምዃኑ ኣፍሊጡ

ቀጥታዊ ሸፈነ

1. 26 ጉንቦት 2026ኢቦላ፡ ሬሳ ዝሞቱ ቤተሰቦም ዝተኸልከሉ ነበርቲ ምስ ፖሊስ ተጋጭዮም

   

   ምንጪ ስእሊ, Reuters

   ኣብ ምብራቕ ዲሞክራስያዊት ሪፓብሊክ ኮንጎ፡ ኣብ ዝርከብ ማእከል ሕክምና ኢቦላ፡ ገለ ሰባት ናይ ቤተሰቦም ሬሳታት ንምውሳድ ድሕሪ ምፍታኖም፡ ምስ ፖሊስ ከምዝተጋጨዉ፡ ክልተ ጋዜጠኛታት ንቢቢሲ ሓቢሮም።

   እቲ ብሰንበት ዘጋጠመ ናዕቢ ምሉእ መዓልቲ ከምዝቐጸለ እቶም ሪፖርተራት ሓቢሮም።

   ኣብቲ ቀጽሪ ሆስፒታል ዝርከብ ማእከል ሕክምና፡ ሓደ ናይ መወሸቢ ዳስ ብሓዊ ተቓጺሉ ኣሎ።

   ሬሳ ናይ ሓደ ግዳይ ኢቦላ ኣዝዩ ተላባዒ ስለዝኾነ፡ ንህዝባዊ ስርዓተ-ቀብሪ ንቤተሰቡ ምስ ዝወሃብ፡ እቲ ቫይረስ ዝያዳ ክዝርጋሕ ከምዝኽእል ሰብ ሞያ ይዛረቡ።

   ኣብዚ ሕዚ እዋን ቊጽሪ ብኢቦላ ከምዝተለኽፉ ዝተጠርጠሩ ሰባት ልዕሊ 900 ሰባት ከምዝበፅሐን፡ 223 ድማ ግዳያት ሞት ከምዝኾኑን፡ ሰበስልጣን’ታ ሃገር ገሊፆም።

   ዳይረክተር ሕክምና ሓፈሻዊ ሆስፒታል ሞንግዋሉ ዶክተር ሪቻርድ ሎኩዱ ከም ዝበሎ፡ እቶም ብሰንበት መጥቃዕቲ ዝፈጸሙ ሰባት፡ ሬሳታት ክልተ ሰባት ንስድራቤቶም ክወሃብ ድሕሪ ምሕታቶም እዩ።

   ሓደ ካብቶም ዝሞቱ ካቶሊካዊ ካህን፡ “ፍሉጥ መራሒ ሃይማኖት” ምዃኑ ሓደ በዓል ስልጣን’ቲ ሆስፒታል ንማዕከን ዜና ኤኤፍፒ ሓቢሩ።

   

   ምንጪ ስእሊ, Reuters

   እዚ ከምዚ እንከሎ፡ ወተሃደራዊ ኣመሓዳሪ ናይታ ኣብዚ እዋን ለበዳ ኢቦላ ዝኾነት ግዝኣት ኢቱሪ፡ ንዝርግሐ ቫይረስ ኢቦላ ንምግታእ ዝግበር ቃልሲ ምስ "ኲናት" ኣመሳሲልዎ ኣሎ፤ ሰፊሕ ሕፅረት ፀጋታት ከምዝገጦሞም ድማ ሓቢሩ።

   ጆኒ ሉቦያ ንካሻማ፡ ንፈረንሳዊ ፈነወ ኣርኤአይ - RFI- ኣብ ዝሃቦሓበሬታ፡ "ኣብቶም ነቲ ሕማም ዝተሳጥሑ ከባቢታት ዝርከቡ ሰባት እኹል መግቢ ኣይረኽቡን ዘለዉ፤ ብዝሒ ሕሙማት ስለዘሎ ድማ ጽቕጥቅጥ ይፍጠር ኣሎ” ክብል ተዛሪቡ።

   ንሱ፡ እቲ ዞባ "ናብ ዓቢ ሓደጋ ከይኣቱ" ዓቕሚ ሰራሕተኛታት ምሕያል ሓዊሱ፡ "ቅልጡፍ ምላሽ" ክወሃብ ጸዊዑ'ሎ።

2. 26 ጉንቦት 2026እስራኤል ኣብ ልዕሊ ሕዝቡላህ መጥቃዕቲ ክትቅጽል ምዃና ኣፍሊጣ

   

   ምንጪ ስእሊ, Reuters

   ሰራዊት እስራኤል ኣብ ልዕሊ ሕዝቡላህ ሓድሽ ማዕበላዊ መጥቃዕትታት ከምዝጀመረ ቀዳማይ ሚኒስተር እታ ሃገር ኣፍሊጡ።

   በንጃሚን ነታንያሁ ኣብ ዝሃቦ ናይ ቪድዮ መልእኽቲ፡ እሰራኤል ምስቲ ብኢራን ዝድገፍ ጉጅለ ሕዝቡላህ ኣብ ኲናት ከምዘላ ተዛሪቡ።

   "ኣብ ዝሓለፈ ሒደት ሳምንቲ 600 ኣሸበርቲ ተደምሲሶም" ኣለዉ ክብል ብምጥቃስ፡ ሰራዊቱ መጥዕቲ ክቕጽል ከምዝኣዘዘ ገሊጹ።

   ኣብዚ ኣብ ደቡባዊን ምብራቓውን ሊባኖስ ዝካየድ ዘሎ ደብዳባት ብውሕዱ 11 ሰባት ከምዝተቐትሉ ሰብመዚ እታ ሃገር ሓቢሮም ኣለዉ። ሰራዊት እስራኤልን ግን፡ መጥቃዕትታቱ ንትሕተ-ቅርጺ ሕዝቡላህ ዒላማ ዝገበረ ምዃኑ'ዩ ዝምጉት ዘሎ።

   እቲ ብኣመንቲ ሺዓ እስላም ዝድገፍ ሊባኖሳዊ ጉጅለ ብወገኑ፡ ግብረመልሲ ንምሃብ 20 ሰብ-ኣልቦ ነፈርቲን ሚሳይላትን ናብ እስራኤል ከምዝወንጨፈ ሓቢሩ'ሎ። እቲ መጥቃዕቲ ንወተሃደራት፡ ታንኪታትን መዓስከራትን እስራኤል ዒላማ ዝገበረ ምዃኑ'ውን እቲ መግለጺ ይጠቅስ።

   ብ16 ሚያዝያ ኣብ መንጐ ክልቲአን ሃገራት ስምምዕ ምቊራጽ ተዂሲ ድሕሪ ምጅማሩ መጥቃእቲ እስራኤል ንደቡባዊ ሊባኖስ ጥራይ ዒላማ ዝገበረ ኮይኑ'ዩ ጸኒሑ።

   ኣብቲ ድሕሪ'ቲ ስምምዕ ክካየድ ዝጸንሐ መጥቃዕቲታት 10 ወተሃደራት እስራኤል ክቕተሉ እንከለዉ፡ ብወገን ሊባኖስ ድማ ልዕሊ 400 ከምዝተቐትሉ ሰብመዚ ጥዕና ይሕብሩ።

   ወከልቲ ክልቲአን ሃገራት ብዛዕባ ምቊራጽ ተጻብኦታት ተወሳኺ ዝርርብ ንምክያድ ኣብ ዝመጽእ ሰሙን ናብ ዋሽንግተን ከምርሑ ትጽቢት ይግበር።

   ፕረዚደንት ሊባሰስ ጆሰፍ ዓውን ብወገኑ፡ ሓይልታት እስራኤል ካብ ደቡባዊ ሊባኖስ ጠቕሊሎም ክወጹ ጸዊዑ'ሎ።

3. 26 ጉንቦት 2026ደበና ኲናት ኢራን ዘይዓገቶ ዋሕዚ ሚልዮናት በጻሕቲ ሓጅ

   

   ምንጪ ስእሊ, EPA

   ብዙሓት ኣመንቲ እስልምና ናብቲ ዓመታዊ ዝግበር መንፈሳዊ ንግደት ሓጅ ንምስታፍ ናብ ስዑዲ ዓረብ ይውሕዙ ኣለዉ።

   ሰብመዚ እታ ንግስነት ከምዝበልዎ፡ ዛጊት ልዕሊ 1.5 ሚልዮን በጻሕቲ ካብ ወጻኢ ናብ ከተማ መካ ኣትዮም ኣለዉ።

   ኲናት ኢራን ዳግም ከይደግስ ተሰጊእሉ ኣብ ዘሎ እዋን'ዮም እቶም ኣመንቲ ናብታ ማእከል ሃይማኖት እስልምና ዝኾነት ሃገር ዝኣትዉ ዘለዉ። ሰራዊት ኣመሪካ ትማሊ ኣብ ልዕሊ ሓይልታት ኢራን ናይ "ምክልኻል" መጥቃዕቲ ከምዝፈጸመ ኣፍሊጡ ነይሩ።

   ኣብ ዝሓለፈ ወርሒ ኣብ መንጐ ዋሽንግተንን ቴህራንን ስምምዕ ምቊራጽ ተዂሲ ቅድሚ ምፍራሙ ኣብ ዝነበረ ረጽሚ፡ ስዑዲ ዓረብ ግዳይ ማዕበላዊ መጥቃዕቲ ሚሳይላትን ሰብ-ኣልቦ ነፈርቲን ኮይና ምንባራ ይዝከር።

   ስርዓተ ሓጅ፡ ሓደ ካብቶም ሓሙሽተ መሰረታውያን ኣዕኑድ እስልምና ኰይኑ፡ ኵሉ ኣካላውን ገንዘባውን ዓቕሚ ዘለዎ ሰዓቢ እንተ ወሓደ ኣብ ዕድመኡ ሓደ ግዜ ክፍጽሞ ዘገድድ እዩ።

   

   ምንጪ ስእሊ, Reuters

   ብመሰረት እምነት እስልምና፡ መካ ነቢይ መሓመድ ዝተወለደላን ቀዳሞት ግልጸታት ቅዱስ ቍርኣን ዝተቐበለላን ቦታ እያ። እቲ ኣብዛ ቅድስቲ ከተማ ዝፍጸም ሓጅ ከኣ ሓደ ካብቶም ዝዓበዩ ዓመታዊ ምትእኽኻባት ዓለምና ኰይኑ ካብ ኵሉ ኵርናዓትን ዓሌታትን ዓለም ዝመጽኡ ኣመንቲ ብሓደ ዝፍጽምዎ እዩ።

   እንተኾነ ብሰንኪ ውዑይ ኩነታት ኣየር ወቕቲ ሓጅን ዝፍጠር ጽቕጥቅጥን ዳርጋ ዓመታዊ ብዙሓት ሰባት ዝሞትሉ ኣጋጣሚ ኮይኑ ጸኒሑ።

   ኣብ ዝሓለፈ ዓመት ኣብ ዝነበረ ሓጅ፡ መጠን ሞት ንምንካይ ሰብመዚ እታ ሃገር ብዘካየድዎ ምድላዋት ልዕሊ 600 በጻሕቲ ጥራይ እዮም ሞይቶም።

   ኣብ 2024 ዝበዝሑ ግብጻውያን ዝርከብዎም ልዕሊ 1300 ወጻእተኛታት ብሰንኪ ዋዒ ከምዝሞቱ ይግለጽ። ኣብቲ እዋን መጠን ሙቐት ልዕሊ 50 ዲግሪ በጺሑ ነይሩ።

   ኣብ 2015 ኣብ ዘጋጠመ ዝኸፍአ ኣጋጣሚ ድማ ልዕሊ 2,300 በጻሕቲ ብሰንኪ ዝተፈጥረ ጽቕጥቅጥን ምድፍፋእን ሞይቶም ነይሮም።

4. 26 ጉንቦት 2026ሰራዊት ኣመሪካ ኣብ ደቡባዊ ኢራን ሓድሽ መጥቃዕቲ ፈፂሙ

5. 26 ጉንቦት 2026ዝተዓወቱን ዝኸሰሩን፡ ኲናት ኢራን ኣብ ባጤራታት ዓለም ዝፈጠሮ ጽልዋ

6. 26 ጉንቦት 2026ትግራይ፡ ካብ ፖለቲካዊ ምፍጣጥ ክሳብ ወተሃደራዊ ስጕምቲ - ክፍጠሩ ዝኽእሉ ኣርባዕተ እንተታት

7. 26 ጉንቦት 2026ኤርትራ፡ ምሩጽ ኣሳእል ጽንብል መበል 35 ዓመት ዝኽሪ መዓልቲ ናጽነት

8. 25 ጉንቦት 2026‘ምስ ኣመሪካ ዝግበር ስምምዕ ጭቡጥ ኣይኮነን’- ኢራን

   

   ምንጪ ስእሊ, Getty Images

   ምስ ኣመሪካ ዝካየድ ዝርርብ ምዕባለታት ከምዘሎ’ኳ ዝገለጸት ኢራን፡ ምፍራም ስምምዕ ግን "ጭቡጥ ኣይኮነን" ኢላ።

   ጸሓፊ (ሚኒስተር) ጉዳያት ወጻኢ ኣመሪካ ማርኮ ሩቢዮ ሎሚ ሰኑይ ኣብ ስምምዕ ክብጻሕ ከምዝኽእል ድሕሪ ምግላጹ፡ ወሃቢ ቃል ሚኒስትሪ ጉዳያት ወጻኢ ኢራን እስማዒል ባቃይ ነቲ መግለጺ ሂቡ ዘሎ።

   ባቃይ ሎሚ ሰኑይ ካብ ርእሰ ከተማ ኢራን- ቴህራን ኣብ ዝሃቦ መግለጺ፡ "ኣብ ዝበዝሕ ክፋል እቲ ስምምዕ ኣብ ሓበራዊ መርገፂ በጺሕና ምባል ቅኑዕ'ዩ" ኢሉ።

   "እዚ ማለት ግን፡ ‘ምፍራም’ቲ ስምምዕ ዘይተርፍ እዩ’ ኢሉ ክዛረብ ዝኽእል ሰብ የለን።"

   እቲ ሰነድ መዘክር ምርድዳእ [MoU] ፡ ን60 መዓልታት ምንዋሕ ተኹሲ ደው ምባል፣ መጻብቦ ሆርሙዝ ዳግማይ ምኽፋትን ብዛዕባ ኑክሌራዊ ፕሮግራም ኢራን ዝያዳ ድርድር ንምክያድ ዝዓለመ ውጥንን ከምዘጠቓልል ይግለጽ።

   ፕረዚደንት ዶናልድ ትራምፕ፡ ድሒሩ ንተደራደርቲ "ከይሃፁ" መምርሒ ከምዝሃበ እኳ እንተገለጸ፡ ኣብ መወዳእታ ዝሓለፈ ሰሙን፡ እቶም ወገናት ኣብ ሓደ ስምምዕ ይበፅሑ ​​ከምዘለዉ ኣተንቢሁ ነይሩ።

   ሎሚ ንጐሆ ሰኑይ፡ ሩቢዮ ኣብ ርእሰ ከተማ ህንዲ ደልሂ ንጋዜጠኛታት ኣብ ዝሃቦ መግለጺ፡ "ትማሊ ምሸት ገለ ዜና ክንሰምዕ ንኽእል ኢልና ሓሲብና ነይርና፤ ምናልባት ሎሚ'ዩ ማለት እዩ" ክብል ተሰሚዑ።

   "ካብ ኢራን መልሲ ክትሰምዕ ቁሩብ ግዜ ይወስድ" ክብል'ውን ሩቢዮ ወሲኹ ኣጠንቂቑ፡።

   ኣመሪካዊ መሻርኽቲ ቢቢሲ ማዕከን ዜና ሲቢኤስ ኒውስ፡ እቲ ኣብ ቀዳማይ መዓልቲ ኣቦኡ ዝተቐተሎን መጥቃዕቲ እስራኤል መጉዳእቲ ዝበፅሖን ላዕለዋይ መራሒ ኢራን ሞጅታባ ካሜነይ፡ ኣብ ዘይተነፀረ ቦታ ተዓጽዩ ከምዘሎ፣ እዚ ድማ ምስ ልኡኻቱ ዝገብሮ ርክብ ኣጸጋሚ ከምዝዀነን፡ እዚ ነቲ ዝርርባት ከምዘደናጉዮን ጸብጺቡ ኣሎ።

9. 25 ጉንቦት 2026ትራምፕ፡ ተዛተይቲ ልኡኻት ኣመሪካ ምስ ኢራን ኣብ ስምምዕ ንምብፃሕ 'ከይህወኹ' ኣዚዙ

   

   ምንጪ ስእሊ, AFP via Getty Images

   ፕረዚደንት ኣመሪካ ዶናልድ ትራምፕ፡ ምስ ኢራን ዝዛተዩ ዘለዉ ልኡኻት ኣመሪካ ኣብ ስምምዕ ንምብፃሕ ከይህወኹ ኣዚዙ።

   እቲ ፕረዚደንት ቅድም ክብል ምስ ኢራን ኣብ ስምምዕ ንምብፃሕ ከም ዝተቓረቡ ገሊፁ ነይሩ።

   እቲ ኣብ መስርሕ ዘሎ ዘተ ንተወሳኺ 60 መዓልታት ተኹሲ ደው ምባል ምንዋሕ፣ መፃብቦ ሆርሙዝ ዳግማይ ምኽፋትን ኣብ መደብ ንዩክለር ኢራን ተወሳኺ ዘተ ንምግባር መደብ ምውፃእን ዝብሉ ከም ዘካትት ተገሊፁ።

   ትራምፕ ኣብ ማሕበራዊ መራኸቢታት ኣብ ዝዘርግሖ ሓበሬታ፡ “ሃናጺ” ዝርርባት ይቕፅሉ ከምዘለዉ ብምሕባር፡ ግና ክልቲአን ሃገራት ግዜ ወሲደን ትኽክለኛ ስምምዕ ክገብራ ይግባእ ኢሉ።

   ትራምፕ፡ ዝበዝሑ ክፋላት እቲ ስምምዕ ተዘትይሎም ኣብ ስምምዕ ከም ዝተበፅሐ ብቐዳም ገሊፁ ነይሩ። እዚ ድማ ሰባት፡ እቲ ዝተበፅሐ ስምምዕ ብወግዒ ክንገር’ዩ ኢሎም ክኣምኑ ደሪኹ።

   ሰብመዚ ኢራን’ውን፡ ኣብ ዝሓለፉ ቀዳመ ሰናብቲ ተመሳሳሊ መልእኽትታት ዘሕለፉ ክኾኑ እንከለው፡ ወሃቢቃል ምኒስተር ጉዳያት ወፃኢ ኢስማዔል ባጋይ፡ ክልቲአን ሃገራት “ኣብ ስምምዕ ንምብፃሕ ቀሪበን እየን፡ ግን ድማ ምሉእ ብምሉእ ንኸይሰማምዓ ዝገብሩ ዓበይቲ ኣፈላላያት ኣለዉ ኢሉ።

   ከም ፀብፃብ መራኸብቲ ብዙሓን ኣመሪካ፡ እቲ ቴህራንን ዋሽንግተንን ዝዛተያሉ ዘለዋ ስምምዕ፡ ናይ መወዳእታ ስምምዕ ኣይኮነን።

   ኣብ ልዕሊ ኢራን ዝተነበሩ ማዕቀባት ምልዓል፣ ከይንቀሳቐስ ዝተገበረ ገንዘብ ቴህራን ምልቃቕን መደብ ንዩለር ኢራንን ዝኣመሰሉ ከበድቲ ጉዳያት ግና፡ ኣብ ቀፃሊ ዝዛተይሎም ጉዳያት እዮም።

   እዚ ስምምዕ ንሪፓብሊካን ኣብ ክልተ ዝገምዐ ክኸውን ከሎ፡ ገሊኦም ንኢራን ምልስላስ ዘርኣየ እዩ ብምባል፡ ይምጕቱ ኣለዉ።

   ፕረዚደንት ኢራን መስዑድ ፔዝሽክያን ምስ ተለቪዥን እታ ሃገር ኣብ ዘካየዶ ቃለመሕትት፡ ኢራን ድሌታ ንዩለሳዊ ኣፅዋር ከም ዘይኮነ ንዓለም ንምርግጋፅ ድልውቲ እያ ኢሉ።

   ምኒስተር ጉዳይ ወፃኢ ኣመሪካ ማርኮ ሩቢዮ፡ ኣብቲ ዘተ ርኡይ ምምሕያሽ’ኳ እንተ ተራእየ፡ እቲ ከይዲ ኣብ መወዳእታ ብርኪ ከም ዘይበፅሐ ገሊፁ ነይሩ።

10. 25 ጉንቦት 2026ስለምንታይ ኢና ድሕሪ ሞትና ክንዘከር እንደሊ?

11. 25 ጉንቦት 2026ኤርትራ፡ዘቤታዊ ጉዳያት ኣብ መደረ ፕረዚደንት ኢሳይያስ

12. 25 ጉንቦት 2026መዓልቲ ናጽነት ኤርትራ፡ ፕረዚደንት ኢሳይያስ ኣብቲ ናብ ኣመሪካ ዘተኰረ መደረኡ እንታይ ኢሉ?

13. 24 ጉንቦት 2026ኣመሪካ፡ ኣብ መንጎ ኣስመራን ዋሽንግተንን 'ሓድሽ ምዕራፍ' ከም ዝተጀመረ ኣፍሊጣ

14. 24 ጉንቦት 2026ምክልኻል ኢትዮጵያ፡ ብዛዕባ "ጽምዶ" መግለጺ ከም ዝሃበ ኣፍሊጡ

15. 24 ጉንቦት 2026ጥዕናና ንምውሓስ መዓልታዊ ክንገብሮም ዘለና ሓሙሽተ ቀለልቲ ልምድታት

16. 24 ጉንቦት 2026መንገዲ ኣየር ባድር ካብን ናብን ኣስመራ ንግዳዊ በረራታት ጀሚሩ

17. 24 ጉንቦት 2026ኣብ ዋንጫ ዓለም 2026 ዝጻወቱ እቶም ዝዓበዩ ተጻወትቲ ብዓል መን'ዮም?

18. 23 ጉንቦት 2026ትራምፕን ንጉስ ቻርለስን ናብ ኤርትራ ዝሰደድዎ መልእኽቲ እንታይ ይብል?

19. 23 ጉንቦት 2026ትራምፕ ኣብ ልዕሊ ኵባ ዝገብሮ ዘሎ ጸቕጢ እንታይ ዝዓለመ እዩ?

20. 23 ጉንቦት 2026ኤርትራ ኣብ መበል 35 ዓመት ናጽነት፡ ታሪኽ ምስሳን ህዝብን ፈተና ስደትን