گذشتہ ہفتے کا پاکستان تصاویر میں

کم ڈیٹا استعمال کرنے کے لیے صرف تحریر پڑھیں

وقت اشاعت 10 مئ 2020

لاک ڈاون میں نرمی سے لے کر کاروبار کھلنے تک گذشتہ ہفتے ملک میں پیش آنے والے اہم واقعات کی تصویری جھلکیاں۔

رمضان — ،تصویر کا کیپشنملک میں لاک ڈاؤن میں نرمی کے فوراً بعد اور چھوٹے کاروبار کھلتے ہی عوام بازاروں میں عید کی خریداری کے لیے نکل آئے اور حکومت کی جانب سے جاری کردہ احتیاطی تدابیر پر عمل ہوتا دکھائی نہیں دیا۔ تاہم کورونا کی وبا کے باعث رمضان کے دوسرے عشرے کے دوران بازاروں میں بھیڑ گذشتہ برسوں کے مقابلے میں کم ہے۔

دکاندار — ،تصویر کا کیپشنحکومت کی جانب سے لاک ڈاؤن میں نرمی اور کاروبار کھولنے کی اجازت کے بعد دکاندار گاہکوں کے لیے اپنے سامان کو ترتیب سے لگا رہے ہیں۔ وفاقی و صوبائی حکومتوں نے مرحلہ وار بنیادوں پر چھوٹے کاروبار اور دکانیں کھولنے کی اجازت دی ہے۔

ٹرین — ،تصویر کا کیپشنوفاقی و صوبائی حکومتوں کی جانب سے لاک ڈاؤن میں مرحلہ وار نرمی کی گئی ہے تاہم ابھی تک ٹرین اور پبلک ٹرانسپورٹ کھولنے کی اجازت نہیں دی گئی۔ ریلوے کا ایک اہلکار لاہور ریلویے سٹیشن پر جراثیم کش سپرے کر رہا ہے۔

خواتین — ،تصویر کا کیپشنپاکستان کے صوبہ پبجاب کے شہر راولپنڈی میں خواتین نادرا دفاتر کے باہر وفاقی حکومت کے احساس کیش پروگرام میں اندراج کروانے اور کوائف کی تصدیق کے لیے قطار بنا کر کھڑیں ہیں۔

پاکستانی شہری — ،تصویر کا کیپشنمتحدہ عرب امارات میں پھنسے پاکستانیوں کو پی آئی اے کی خصوصی پرواز کے ذریعے سات مئی کو پاکستان واپس لایا گیا۔

پاکستان — ،تصویر کا کیپشنایک غیر سرکاری تنظیم ’سندس فاونڈیشن‘ میں تھیلیسیمیا کی شکار بچی کو خون لگایا جا رہا ہے، ملک میں کورونا کی وبا کے پیش نظر لاک ڈاؤن اور رمضان کی وجہ سے خون کے عطیات میں کمی کا سامنا ہے جس کے باعث تھیلیسیمیا کا شکار بچے مشکلات سے دوچار ہیں۔

پاکستانی شہری — ،تصویر کا کیپشنانڈیا میں لاک ڈاؤن کے باعث پھنسے ہوئے پاکستانی شہریوں کو پانچ مئی کو بذریعہ واہگہ بارڈر انڈیا سے پاکستان واپس لایا گیا۔

مختصر ویڈیوز

اپ کی ڈیوائس پر پلے بیک سپورٹ دستیاب نہیں