'කලාපයට අපි ගේමක් දුන්නා, අපිට පුළුවන් කියලා'

කළුතර, බුලත්සිංහල මධ්‍ය මහා විද්‍යාලය ජාතික පාසලේ, 17න් පහළ කාන්තා පාපන්දු කණ්ඩායම, පසුගිය ජූනි 3 වන දා පැවති හොරණ කලාප තරගාවලියේදී 17න් පහළ පාපන්දු ශූරියන් බවට පත්වුණා. මේ ක්‍රීඩිකාවන්, පළමු වරට පාපන්දු ක්‍රීඩා කර තිබුණේ, පාසල් නිවාසාන්තර ක්‍රීඩා උළෙලේදී යි.

අවම පහසුකම් සමග උත්සහයෙන් ඉදිරියට යන ගමන පිළිබඳව හා තමන්ගේ අනාගත බලාපොරොත්තු පිළිබඳව කණ්ඩායමේ සාමාජිකාවන් බීබීසී සිංහල සමග කතාබහ කළේ මෙලෙසින්.