ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
සහෝදරියගේ මරණය තහවුරු කිරීමට ඇටසැකිල්ල බැංකුවකට ඔසවාගෙන ගිය සහෝදරයෙක්
52 හැවිරිදි ජිතු මුණ්ඩා ඇටසැකිල්ලක් උරහිසේ තබාගෙන බැංකුවට ඇතුළු වූ විට ඔඩීෂාහි කියොන්ජාර් දිස්ත්රික්කයේ බැංකුවක සේවකයෝ සහ ගනුදෙනුකරුවෝ සඳුදා (අප්රේල් 27) දහවල් පුදුමයට පත්වූහ.
එම බැංකුව පැට්නා බ්ලොක්හි මල්ලිපෝෂි ගම්මානයේ පිහිටි ඔඩිෂා ග්රාමීන් බැංකුවේ ශාඛාවකි.
පැට්නා බ්ලොක්හි දියනාලි ගම්මානයේ පදිංචිකරුවෙකු වන ජිතු මුණ්ඩා, ඔහුගේ සහෝදරියගේ ග්රාමීන් බැංකු ගිණුමෙන් ඉන්දීය රුපියල් 19,300ක් ලබා ගැනීමට අවශ්ය වී තිබිණි.
ඔහුගේ 56 හැවිරිදි සොහොයුරිය වන කල්රා මුණ්ඩා විවාහ වී සිටියේ අසල්වැසි ජජ්පූර් දිස්ත්රික්කයේ සුක්රු මුණ්ඩා සමග ය.
කල්රා මුණ්ඩා සහ සුක්රු මුණ්ඩාට පුතෙක් ලැබිණි. නමුත් ඇගේ සැමියා සහ පුතාගේ මරණයෙන් පසු, ඇය ඩයනාලිහි ඇගේ මවගේ නිවසට ආපසු ගොස්, ජීවිකාව ගෙන යාම සඳහා දවසේ වැටුප් ලබන කම්කරුවෙකු ලෙස සේවය කළා ය.
මාස කිහිපයකට පෙර, කල්රා ඇගේ එක් වසු පැටවෙකු විකුණා එයින් ලැබුණු ඉන්දීය රුපියල් 19,300ක් ඇගේ ගිණුමට බැර කර තිබිණි.
