TOOS, Iran oo oggolaatay in maraakiibta Shiinaha ay maraan marinka istiraatiijiga ah ee Hormuz

Tebin toos ah

1. 2 Saacadood ka horWar deg deg ah, Yaa oggolaaday Maraakiibta Shiinaha xalay inay maraan marinka Hormuz?

   Laanta xiriirka dadweynaha ee ciidamada ilaalada kacaanka Iiraan IRGC ayaa xaqiijisay warbixinada la xiriira inay oggolaadeen in maraakiibta shiinaha ay maraan marinka Hormuz.

   ‘’Go’aanka kasoo baxay jamhuuriyada Islaamiga ah, waxa ay ahayd macquul in tiro kamid ah maraakiibta shiinaha ay ka gudbaan marinka Hormuz iyaga oo raacaya nidaamka maamulka Iiraan ee marinka’’.

   Sida laga soo xigtay bayaanka iyada oo ay dabasocdaan wasiirka arrimaha dibadda Shiinaha iyo safiirka dallkaasi ee Iiraan ‘’Waxa ay ahayd kama dambaysa la gaaray in tiro kamid ah Maraakiibta Shiinaha oo uu dalkaasi codsaday ay maraan aaggaasi kadib markii la gaaray is-fahan raacitaanka nidaamyada maamulka Iiraan ee marinka, waxaana uu maritaanku bilowday habeenkii xalay.

2. 3 Saacadood ka horWar deg deg ah, Maraykanka ‘’Dib u dhiska ciidamada badda Iiraan waxa ay qaadan doontaa ugu yaraan wakhti dheer’’

   

   Xigashada Sawirka, EPA/Shutterstock

   Taliyaha saldhiga dhexe ee ciidamada Maraykanka CENTCOM, Admiral Brad Cooper ayaa isaga oo kahor hadlayay mudanayaasha Senate-ka Maraykanka gaar ahaana ka warbixinayay dagaalka Iiraan ayaa sheegay in awoodda ee ay ku khatar galin karto dariskeeda iyo danaha Maraykanka ee gobolka si weyn hoos loogu dhigay.

   Waxa uu sheegay howgalkooda milatari uu daciifiyay kaabayaashii warshadeed ee Iiraan sida gantaalada, ciidamada badda iyo awooddii soo saarista diyaaradaha aan duuliyaha lahayn oo la gaarsiiyay ilaa 90%, waxaana sida uu yiri dib u dhiska ciidamada badda Iiraan ay ugu yaraan qaadan doontaa wakhi ilaa jiil cusub.

   ‘’Khatartii Iiraan si weyn ayaa hoos loogu dhigay, mana sii awoodaan inay khatar sii galiyaan bahwadaagteena gobolka ama Maraykanka sidii ay horay awoodda ugu lahaayen, dhammaan dhinacyada kala duwan. Si weyn ayaa loo daciifiyay,’’ ayuu Cooper u sheegay guddiga Senete-ka.

   Waxa kale oo uu sheegay in Iiraan ay weli khatar usiin ahaan karto awoodeeda iyo ilaha khayraadka ay haysato.

   WARBIXINO KALE

   Qiimaha uu ku kici doono nidaamka difaaca 'Golden Dome' ee Mareykanka iyo siduu u joojin karo gantaallada

   Sidee kalluunka Hoombarada loogu adeegsadaa dagaallada

   Warbixin gaar ah: Maxaa ka jira in Sacuudigu uu si qarsoodi ah u weeraray Iiraan

   Istaraatijiyadda cusub ee Maraykanku ma baabi'in doontaa 'kooxaha argagixisada Afrika'?

3. 4 Saacadood ka horWar deg deg ah, Hindiya oo ka hadashay Markab lagu qarxiyay xeebaha Cumaan

   Wasiirka Arrimaha Dibadda Hindiya ayaa ku baaqay in qarxinta iyo quusinta markab xumuul oo xeebaha Cumaan uu yahay mid ‘’aan la aqbali karin’’

   Wasiirka ayaa ku qeexay weerar markabka ku gooshayay calanka Hindiya ee xeebaha Cumaan uu yahay mid aan ‘’la aqbali karin’.’ Korjoogtooyinka baddaha ayaa ku warbixiyay in markabka xamuul la beegsaday lana quusiyay maalinkii shalay.

   Delhi ma bixin faahfaahin intaasi ka dheer oo la xiriira weerarka, laakiin waxa ay sheegteen in xubnihii shaqaalaha ee saarnaa markabka ay bad qabaan, waxaana uu u mahad celiyay masuuliyiinta Cumaan inay badbaadiyeen nolosha shaqaalaha.

   ‘’Weerarka loogu gaystay xeebaha Cumaan markabka ku gooshayay calanka Hindiya ee shalay uu yahay mid aan la aqbali karin, waxaynu si aad ah uga xunahay in maraakiibta ganacsiga iyo bad-maaxyada rayidka ah ay sii socoto beegsigooda ,’’ ayaa lagu yiri bayaan kasoo baxay Khamiistii Wasaaradda Arrimaha Dibadda Hindiya.

   Wasiirka Arrimaha Dibadda Iiraan Abbas Araqchi ayaan kusoo hadal qaadin weerarka khudbadiisii Delhi, waxaase uu adkeeyay in marinka Hormuz ‘’uu u furan yahay dhammaan maraakiibta ganacsiga ee la shaqeeya ciidamada badda Iiraan.

   WARBIXINO KALE

   Qiimaha uu ku kici doono nidaamka difaaca 'Golden Dome' ee Mareykanka iyo siduu u joojin karo gantaallada

   Sidee kalluunka Hoombarada loogu adeegsadaa dagaallada

   Warbixin gaar ah: Maxaa ka jira in Sacuudigu uu si qarsoodi ah u weeraray Iiraan

   Istaraatijiyadda cusub ee Maraykanku ma baabi'in doontaa 'kooxaha argagixisada Afrika'?

4. 4 Saacadood ka horWar deg deg ah, Ra'iisul wasaaraha Ingiriiska oo xaalku ku adag yahay, Wasiirkiisii Caafimaadka oo is-casilay

   

   Xigashada Sawirka, Reuters

   Xubin muhiim ah oo ka tirsan dowladda xisbiga shaqaalaha ee ra’iisul wasaare Keir Starmer ee Britain ayaa iscasilay. Wasiirka caafimaadka Wes Streeting ayaa sheegay inuu lumiyay kalsoonidii uu ku qabay hoggaanka raysal wasaaraha.

   Warqad uu ku daabacay baraha bulshada ayuu ku sheegay inay caddahay in Sir Keir uusan hoggaamin doonin xisbiga Labour-ka doorashada guud ee soo socota.

   Streeting ayaa la filayaa inuu bilaabo tartan hoggaamineed oo ka dhan ah raysal wasaaraha. Xulafadiisa ayaa BBC-da u sheegay inuu haysto taageerada looga baahan yahay xildhibaannada Labour-ka si si rasmi ah loogu bilaabo tartanka.

   Keir Starmer ayaa uga digay wasiirrada in doorasho hoggaanka ay dalka gelin doonto qalalaase.

   WARBIXINO KALE

   Qiimaha uu ku kici doono nidaamka difaaca 'Golden Dome' ee Mareykanka iyo siduu u joojin karo gantaallada

   Sidee kalluunka Hoombarada loogu adeegsadaa dagaallada

   Warbixin gaar ah: Maxaa ka jira in Sacuudigu uu si qarsoodi ah u weeraray Iiraan

   Istaraatijiyadda cusub ee Maraykanku ma baabi'in doontaa 'kooxaha argagixisada Afrika'?

5. 5 Saacadood ka horIran oo oggolaatay in maraakiib Shiinaha ay maraan marinka istiraatiijiga ah ee Hormuz

   Sida ay sheegtay wakaaladda AFP, ciidamada badda ee Iran ayaa u oggolaaday koox maraakiib ah oo Shiinaha leeyahay inay maraan marinka istiraatiijiga ah ee Hormuz laga bilaabo fiidkii Arbacada.

   Wakaaladda Tasnim News Agency ayaa sheegtay in:“Iyada oo ku saleysan go’aan ka soo baxay Jamhuuriyadda Islaamiga ah, dhowr markab oo Shiine ah ayaa loo oggolaaday inay maraan Hormuz iyadoo la raacayo nidaamka transit-ka ee ay maamusho Iran.”

   Waxay intaa ku dartay in marista maraakiibtan ay timid kadib codsi ka yimid Beijing, isla markaana ay bilaabatay Arbacadii fiidkii kadib “isfaham ku saabsan habraacyada maamulka Iran.”

   WARBIXINO KALE

   Qiimaha uu ku kici doono nidaamka difaaca 'Golden Dome' ee Mareykanka iyo siduu u joojin karo gantaallada

   Sidee kalluunka Hoombarada loogu adeegsadaa dagaallada

   Warbixin gaar ah: Maxaa ka jira in Sacuudigu uu si qarsoodi ah u weeraray Iiraan

   Istaraatijiyadda cusub ee Maraykanku ma baabi'in doontaa 'kooxaha argagixisada Afrika'?

6. 5 Saacadood ka horWar deg deg ah, Maxaynu ka ognahay dagaalkii ka dhacay duleedka Baydhabo?

   Wararka ka imaanaya duleedka magaalada Baydhabo ayaa sheegaya inuu iska horimaad halkaasi ka dhacay, iyada oo kooxda Alshabaab ay ku sheegtay inay halkaasi dagaal kula galeen ciidamo ka tirsan dowladda federaalka Soomaaliya. Qoraalka kasoo baxay kooxdaasi ayaa lagu sheegay inay kahor tageen weerar ay ciidamadu dowladu kusoo qaadeen deegaano ay ka taliyaan.

   Alshabaab ayaa warka kasoo baxay ay ku sheegeen inay ku dileen sagaal kamid ah ciidamadii iyaga soo weeraray, sida ay sheegteen.

   Ilo ka tirsan dowladda oo aynu la xiriirnay ayaa inoo xaqiijiyay in laba sarkaal oo sare ay dhinteen, inkasta oo dowladdu war rasmi ah uusan weli dhankooda kasoo bixin oo la xiriira dilka saraakiisha.

   Sidoo kale akhri:

   Maxaa ku qasbay guddoomiyaha Gedo inuu ka goosto dowladda federaalka?

   Trump oo Soomaaliya ku daray liiska dalal wajahaya khatar amni

   Warbixin gaar ah: Maxaa ka jira in Sacuudigu uu si qarsoodi ah u weeraray Iiraan

7. 5 Saacadood ka horNinkii CIA u waraystay Saddam Xuseen markii la qabtay oo sanado ka dib hadal la yaab leh sheegay

   

   Xigashada Sawirka, Getty Images

   Markii gacanta lagu dhigay madaxweynihii hore ee Ciraaq Saddaam Xuseen 2003, waaxda sirdoonka Maraykan ee CIA waxay u baahatay khabiir xaqiijin kara oo su'aalo weydiin kara si xog looga helo. Qofkaas wuxuu ahaa John Nixon.

   Faahfaahinta ku dhufo lifaaq hoose

   Ninkii CIA u waraystay Saddam Xuseen markii la qabtay oo sanado ka dib hadal la yaab leh sheegay

8. 5 Saacadood ka horUrurka Xisbullah ayaa baahiyay muuqaal “duqeymo lala beegsaday ciidamada Israel ee ku sugan koonfurta Lubnaan”

   

   Xigashada Sawirka, Hezbollah Media Office

   Ururka Hezbollah ayaa baahiyay muuqaal ay ku sheegtay inuu muujinayo weerarro lagu beegsanayo ciidamada Israel ee koonfurta Lubnaan.

   “Waxaan madaafiic ku garaacnay goob ay isugu yimaadeen askarta cadawga Israel ee magaalada Rashaf ee koonfurta Lubnaan.”

   Tani waxay ku soo beegmaysaa iyadoo ay weli jiraan xiisado dhanka dhulka ah iyo khilaafaad gudaha Lubnaan ah oo ku saabsan jihada wada-hadallada, halka wadahadallo ka socda Washington, D.C. looga hadlayo xabbad-joojin, ka bixitaanka ciidamada, soo celinta dadka barakacay, iyo dib-u-dhiska dalka.

9. 6 Saacadood ka horCuntooyiinka ay Shiinaha ku marti-sooraan madaxwaynayaasha Mareykanka

   

   Xigashada Sawirka, Getty Images

   Waxa laga yaabaa in cashada rasmiga ah ee dowladda Shiinaha ee la qorsheeyay caawa ay noqto mid si weyn loo xiiseeyo.

   Intii lagu jiray booqashadiisii hore ee dalka Shiinaha sanadkii 2017, Donald Trump waxaa loo soo bandhigay cunto gaar ah oo ka kooban dhowr qaybood, taas oo qaar ay sheegeen in loogu talagalay in lagu baro dhadhanka cuntada Shiinaha ee dadka Mareykanka.

   Cuntooyinka la siiyay waxaa ka mid ahaa digaag nooca Kung Pao, maraq badeed kareem leh, iyo hilib lo’ ah oo lagu kariyey suugo yaanyo—kuwaas oo qaarkood u egyihiin kuwo aad uga caadi ah dhadhanka dadka Mareykanka marka loo eego cuntada dhaqanka Shiinaha. Trump waxaa lagu yaqaanaa inuu jecel yahay cuntada steak si fiican loo kariyey, mararka qaarna lagu daro waxyaabo kale.

   Si kastaba ha ahaatee, hoggaamiyeyaashiisii hore ee Mareykanka waxay la kulmeen cuntooyin aad uga kala duwan. Sannadkii 1972, Richard Nixon wuxuu dhadhamiyey maraq ka samaysan shark fin, iyo saxan eel jilicsan oo la kariyey, iyo cuntooyin kale oo kala duwan.

   Nixon, oo ahaa madaxweynihii 37-aad ee Mareykanka, wuxuu aad u cajab geliyay marti-geliyayaashiisii Shiinaha isagoo si xirfad leh u isticmaalay usha yar ee Shiinaha ay cunadda ku cunaan.

10. 14 Maajo 2026Trump iyo Xi Jiping oo kulankoodi u soo dhamaaday

    

    Xigashada Sawirka, AFP

    Madaxweyne Donald Trump ayaa wadhadallada uu la yeeshay Xi Jiping ku tilmaamay kuwo “wanaagsan”, ka dib kulan laba saacadood qaatay oo ka dhacay magaalada Beijing.

    Laakin kala duwanaansho qooto dheer ayaa ka jirta arrimaha canshuurta iyo alaabaha la dhoofiyo, sida uu qoray weriyaha arrimaha ganacsiga.

    Labada hogaamiye ayaa diiradda saaraya arrimaha ganacsiga labada dhinac, Taiwan iyo xaaladda Iiraan.

    Jasiiradda iskeed isu maamusha ee ay sheegato Beijing waa isha ugu weyn ee xiisadda Mareykanka iyo Shiinaha, waxaana wehliya canshuuraha, tartanka la xirriira tiknoolojiyadda iyo dagaalka Iiraan.

11. 14 Maajo 2026Afar waxyaabood oo aad ku ogaan karto inaad qof jeceshahay iyo in kale

    Qof walba weydii jaceylku waa wax aan la fahmi karin, waxaa laga yaabaa inay dadku kugu raacaan taas. Arrintaas waxaa qeyb ka qaata xaqiiqda ah inay caqabad kula soo dersi karto marka qofka aad jeceshahay uusan si kula mid ah kuu dareemin.

    Jaceylka ayaa sidoo kale saameyn ballaaran ku yeelan kara noloshaada sababtoo ah wuu wejiyo badan yahay, waxaana laga yaabaa inaadan durba fahmin nooca jaceyl ee aad dareemeyso.

    Mala garan karaa nooca jaceyl ee aad dareemeyso?

    Jaceylku mar walba isku si maaha, oo siyaabo kala duwan ayuu kugu soo abbaari karaa. Mararka qaar, wuxuu maraa marxalado kala duwan.

    Marka ugu horreysa ee aad qof ka hesho, waxaad aalaaba dareentaa farxad iyo jahwareer is barbar socda. Haddii jaceylka lagula wadana, waxay khubarradu sheegaan inuu ka mid yahay noocyada ugu fiican jaceylka ee waara.

    Waxaa laga yaabaa inaad ka hesho qof aad hadda la kulantay, balse waxaad ogaaneysaa in aragtida aad ka qabtay ay is beddeshay, waxaa sidoo kale is beddelaya dareenkii aad u qaadday oo halkaas ku baaba'aya.

    Waxaa sidoo kale laga yaabaa inaad qof jeclaato, balse aadan u qaadin dareen xad dhaaf ah, sida inaad jeclaato qof aad markii horaba saaxiibbo isu dhow ahaydeen, wuu kaaga duwanaanayaa qofka aad isku cusub tihiin.

    Sii akhri

12. 14 Maajo 2026Mareykanka oo fiisooyin bilaash ah bixinaya

    

    Xigashada Sawirka, Getty Images

    Mareykanka ayaa ku dhawaaqay indadka iibsanaya tigidhada Koobka Adduunka aysan u baahnayn inay bixiyaan 15,000 oo doolar si ay u helaan fiisaha Mareykanka.

    Sanadkii ;la soo dhaafay, muwaadiniinta ka imaanaya ilaa 50 dal ayaa maamulka Madaxweyne Donald Trump uu ku waajibinay inay dhigaan dammaanad lacageed oo gaaraysa $15,000 si ay u codsadaan gelitaanka Mareykanka, sida uu sheegay sarkaal ka tirsan Wasaaradda Arrimaha Dibadda, Arbacadii.

    Taageerayaasha ka kala imaanaya 50 dal ayaa loo ogolyahay inaysan lacagtaas bixin, iyadoo Shan ka mid ah dalalkan oo kala ah- Aljeeriya, Cape Verde, Ivory Coast, Senegal, iyo Tunisia - ayaa u soo baxay tartanka, kaas oo ay si wadajir ah u martigelin doonaan Mareykanka, Kanada iyo Mexico laga bilaabo 11ka Juun.

    Taageerayaasha ka socda 50-kan waddanna waxay heli karaan fiisooyin bilaash ah oo keliya haddii ay haystaan ​​​​tigidh sax ah oo ciyaarta ah.

    Ciyaartoyda iyo tababarayaasha tartanka ayaa horey looga dhaafay shuruudaha dammaanadda.

    Barnaamijka tijaabada ah ee 12-ka bilood socday, oo la bilaabay bishii Agoosto ee la soo dhaafay, wuxuu qayb ka ahaa ololaha ballaaran ee maamulka Trump ee ku aaddan socdaalka.

    Koobka Adduunka ayaa lagu qaban doonaa Mareykanka, Kanada iyo Mexico laga bilaabo Oktoobar 11.

    Barnaamijka dammaanadda fiisaha ee la ballaariyay ayaa ku khasbaya ajaanibta inay bixiyaan $15,000 si ay u helaan fiisaha nooca B1 ama B2 oo kala ah (ganacsiga iyo dalxiiska), ayaa dhaqan galaya 2-da Abriil. Ujeeddadu waa in laga hortago in dadka booqanaya dalkaasi ay ka badsadaan joogitaanka muddada fiisahooda, ayuu yiri sarkaalka.

    Sidoo kale akhri

    Mareykanka oo dalalka qaar waajib uga dhigaya inay fiisaha ku bixiyaan dammaanad $15,000 ah

    Maraykanka oo joojiyey Fiisaha uu siinayo dadka uga imaanaya 75 dal

    Elon Musk oo sheegay in Fiisaha xirfadleyaasha ee Maraykanka (H-1B) ay "cayaar " ka dhigeen shirkadihii loo xilsaaray

13. 14 Maajo 2026Xoghayaha guud ee Qaramada Midoobay oo amaanay Itoobiya

    

    Xigashada Sawirka, Getty Images

    Xoghayaha guud ee Qaramada Midoobay Antonio Guteres ayaa khudbad ka jeediyay xafladda sanad guurada 80-aad ee ka soo wareegatay aasaaskii Qaramada Midoobay.

    Waxaa munaasabadda lagu qabtay magaalada Addis Ababa ee caasimadda dalka Itoobiya.

    Mas’uuliyiin kala duwan ayaa ka qeyb galay munaasabaddaasi xuska sanad guurada 80-aad ee Qaramada Midoobay, kuwaas oo sidoo kale halkaas ka jeediyay khudbado.

    Raysal wasaarahaItoobiya, Abiy Axmed ayaa kamid ah hogaamiyeyaasha khudbadaha jeediyay.

    Guteres ayaa ka hadlay doorka Itoobiya iyo xubinimadeeda ee Qaramada Midoobay. Waxaa uu xusay in Itoobiya ay gaartay hormar, marka loo eego dalalka ee Geeska Afrika.

    “Magaalada Addis Ababa waa mid ka mid ah xarumaha diblomaasiyadeed ee ugu muhiimsan adduunka ee Afrika”, ayuu yiri.

    Sidoo kale akhri

    Abiy Axmed: 'Geeska Afrika nabad lagu wada joogi maayo hadii aan Itoobiya bad helin'

    Maxaa ka jira in Itoobiya iyo Imaaraatka Carabta ay duqeeyeen Suudaan?

    Maxaa ku dhacay taliyaha sirdoonka Itoobiya, Ridwaan Xuseen?

14. 14 Maajo 2026Maxay tahay khatarta amni ee ku soo wajahan Somaaliya?

    

    Xigashada Sawirka, Reuters

    Dowladda Maraykanka ayaa muujisay walaac ku saabsan faafitaanka kooxaha mintidiinta ee xagjirka ah ee ka howlgala Galbeedka Afrika, gaar ahaan gobolka Saaxil iyo harada Chad.

    Maamulka Trump ayaa ka digay in mintidiintu ay xoogeysanayaan Galbeedka Afrika kadib markii ay sheegteen in lagu jebiyey Ciraaq iyo Suuriya.

    Maraykanku wuxuu ku sheegay arrintan warbixin uu ku faafiyay istaraatiijiyaddiisa cusub ee la dagaallanka argagixisada ee sanadka 2026.

    Warbixintaas, maamulka Trump wuxuu Galbeedka Afrika, gobolka Saaxil, iyo harada Chad, oo ku taal xadka waqooyiga Nigeria, ku tilmaamay meel ay ku badan yihiin dagaalyahannada xagjirka ah, kuwaas oo, sida ay Maraykanku sheeganayaan markii lagu burburiyay Bariga Dhexe, haddana u soo guuray Afrika.

    Gobolka Afrika wuxuu la tacaalayaa dhibaatada kooxaha kacdoonka wada, taas oo ay ku tilmaantay inay sabab u tahay daciifnimada dowladaha Afrika.

    Khubarada amniga sida Dr. Kabiru Adamu ayaa sheegay in warbixintani ay ka hor imanayso hab-raacyadii hore loo qoray:

    Sii akhri

15. 14 Maajo 2026Baasaboorka Soomaaliya oo shuruud lagu xiray

    

    Xigashada Sawirka, Getty Images

    Hay’adda Socdaalka iyo Jinsiyadda ayaa soo saartay bayaan, kaas ooa y ku wargelinaysaa muwaadiniinta Soomaaliyeed in laga bilaabo 1-da bisha Luulyo 2026, qofka aan haysan Kaarka Aqoonsiga Qaranka (NIRA) ama shahaadada lagu sugto Kaarka Aqoonsiga (NIRA), uusan codsan karin Baasaboorka Soomaaliya.

    "Sidaa darteed, qof kasta oo aan weli qaadan Kaarka Aqoonsiga waxaa lagu boorinayaa in uu si deg deg ah u bilaabo qaadashada iyo codsiga Kaarka Aqoonsiga Qaranka", ayaa lagu yiri war-saxaafadeedka.

    Sidoo kale, Hay’adda Socdaalka iyo Jinsiyadda ayaa sheegtay in muwaadiniintaay ogeysiinayaan in dukumintiyada lagu dalbado baasaboorka ay noqon doonaan nuqullada koobiga ah (copies), halka nuqullada asalka ah dib loogu celinayo codsadaha baasaboorka laga bilaabo 13ka May 2026.

16. 14 Maajo 2026Maxaa ka jira in Netanyahu uu safar qarsoodi ah ku tegay Imaaraadka?

    

    Xigashada Sawirka, Getty Images

    Wasaaradda arrimaha dibadda Imaaraadka ayaa si cad u beenisay sheegashooyinka ku saabsan in Ra’iisul Wasaaraha Israa’iil Benjamin Netanyahu uu booqasho ku tagay dalkaas, ama in Imaaraadku uu martigeliyay wafdi milatari oo Israa’iili ah.

    Bayaan kasoo baxay wasaaradda ayaa lagu sheegay wararkaasi yihihiin aan "sal iyo raad toona lahayn”.

    Wasaaraddu waxay intaas ku dartay in xiriirka Imaaraadka iyo Israa’iil uu yahay mid si rasmi ah loo shaaciyay, kuna dhisan heshiisyada Abraham Accords, isla markaana uusan ku salaysnayn sir ama heshiisyo qarsoon.

    Sida bayaan ku xusan, “sheegasho kasta oo ku saabsan booqashooyin aan la shaacin ama heshiisyo qarsoodi ah waa kuwo aan sal lahayn, ilaa ay ka soo baxaan hay’adaha rasmiga ah ee Imaaraadka.”

    Dhanka kale, wasiirka Arrimaha Dibadda Iran, Abbas Araqchi, ayaa ka falceliyay shaacinta dadweynaha ee safarka Benjamin Netanyahu uu ku tagay Imaaraadka Carabta, isagoo yiri: “Netanyahu hadda wuxuu si cad u shaaciyay wixii hay’adaha ammaanka Iran ay horay ugu gudbiyeen hoggaankeena.”

    Araqchi ayaa sidoo kale jeediyay hadallo adag oo Imaaraadka iyo dalalka Khaliijka, isagoo sheegay: “Cadownimada looorka weyn ee Iran waa khamaar nacasnimo ah; iskaashi iyo la fal-galidda lala sameeyo Israa’iil dhankeena waa wax aan la cafin karin.

    Kuwii door ka ciyaara la falgalka Israa’iil si loo abuuro kala qeybsanaan waa in lala xisaabtamaa.”

    Marka laga soo tago shaacinta booqashada Ra’iisul Wasaaraha Israa’iil ee uu ku tagay Imaaraadka intii uu socday dagaalka, warbaahinta Mareykanka ayaa sidoo kale maalmahan dambe si weyn uga hadashay warar ku saabsan weerarro militari oo qarsoodi ah oo ay Imaaraadka iyo Sacuudi Carabiya ku qaadeen Iran.

    Sidoo kale akhri

    Mad-madow soo kala dhex galay Pakistan iyo Mareykanka

    Waa kuwee shirkadaha balaayiinka doollar ka faa'iiday dagaalka Iran?

    Colaadda Bariga Dhexe: Lix cashar oo ciidanka Iiraan dunida bareen

17. 14 Maajo 2026Isbaheysiga haya talada Israel oo gudbiyay codsi ah in la kala diro baarlamaanka

    Xisbiga midigta fog ee Likud ee Ra’iisul Wasaaraha Israa’iil Benjamin Netanyahu ayaa Arbacadii ku dhawaaqay in aqlabiyadda baarlamaanka ay gudbisay hindise sharciyeed lagu kala dirayo xubaha aqalka baarlamaanka ee Knesset-ka, taas oo waddada u xaareysa doorashooyin waqtigoodi laga soo hormariyay.

    Qoraalka hindise-sharciyeedka ee ay daabacday Likud ayaa sheegaya in “Knesset-ka 25-aad la kala diri doono ka hor dhammaadka muddadiisa.

    Doorashooyinka lagu soo dhisayo baarlamaanka xiga waxaa la qaban doonaa taariikh uu go’aamin doono Guddiga aqalka Knesset-ka, taas oo aan ka yaraan doonin 90 maalmood kadib ansixinta sharcigan.”

    Sida ay warbaahinta Israa’iil sheegtay, hindisaha lagu kala dirayo Knesset-ka ayaa laga yaabaa in cod loo qaado 20-ka May. Mudada hadda jirta ee baarlamaanka waxay ku egtahay 27-ka Oktoobar.

    

    Xigashada Sawirka, EPA

18. 14 Maajo 2026Taliyaaniga oo shaaciyay inuu Maraakiib dagaal u dirayo Hurmuz

    

    Xigashada Sawirka, AFP

    Talyaanigu ayaa shaaca ka qaaday inuu u dirayo laba maraakiib oo ah kuwa dagaal Marinka Hormuz.

    Wasiirka Arrimaha Dibadda ee Talyaaniga Antonio Tajani iyo Wasiirka Difaaca Guido Crosetto ayaa xildhibaanada u sheegay in howlgalka maraakiibta uu yahay “nadiifin” haddii dagaalku istaago.

    Crosetto wuxuu sheegay in maraakiibta marka hore loo diri doono Badda Mediterranean-ka kadibna loo gudbin doono Badda Cas.

    Tani waxay muhiim u tahay oggolaanshaha baarlamaanka dalkaas.“Waxaan diyaarin doonnaa in maraakiibtan ay gaaraan meel u dhow Marinka Hormuz si taxaddar ah,” ayuu yiri Crosetto.

    Labada wasiir waxay sheegeen in Talyaanigu uusan lahayn qorshe ballaarin militari, isla markaana howlgalka nadiifinta lagu fulin doono kormeer.

    Dhanka kale, waxaa jira xanibaad saameysay maraakiibta ganacsiga ee mara Hormuz.“Ma doonayno hawlgallo militari oo cusub oo Gacanka ah,” ayuu yiri Tajani.

    Wuxuu sharaxay in howlgalka nadiifinta la fulin doono kaliya marka dagaalku istaago.

    Crosetto wuxuu sheegay in howlgalka uusan suurtagal noqon doonin ilaa shuruudo la buuxiyo.

    Howlgalkan militari wuxuu u baahan doonaa xabbad-joojin dhab ah marka hore, kadib xeerar, ugu dambeyntiina oggolaanshaha baarlamaanka,” ayuu yiri, isagoo xaaladda gobolka ku tilmaamay mid “adag oo walaac leh.

    ”Ujeeddada ugu weyn ee howlgalka ayaa ah ilaalinta xorriyadda maraakiibta ganacsiga ee maraya Marinka Hormuz. Talyaanigu wuxuu sheegay inuu si daahfuran u wado qorshahan.

19. 14 Maajo 2026Iiraan oo shaacisay sababtii ay ilaalada Kacaanka Iiraan u galeen gudaha Kuwait

    Kadib markii Kuwait ay ku dhawaaqday inay xirtay afar xubnood oo ka tirsan ilaalada Kacaanka Iiraan Iranian kuwaas oo si sharci darro ah ku galay dalka.

    Wasaaradda Arrimaha Dibadda ee Iran ayaa sheegtay in gelitaankooda biyaha Kuwait uu ka dhashay “cilad ku timid nidaamka hagista doontooda.

    ”Wasaaradda Arrimaha Dibadda ee Iran ayaa sheegtay in shaqsiyaadkan ay gudanayeen waajibaadkooda “iyagoo qeyb ka ah roondo badeed caadi ah.”

    Bayaan kasoo baxay Wasaaradda Arrimaha Dibadda ee Iran ayaa sidoo kale lagu sheegay in “eedeymaha lagu sheegay bayaannada Wasaaradaha Arrimaha Dibadda iyo Gudaha ee Kuwait ee ku saabsan in Iran ay qorsheynaysay falal cadowtinimo oo ka dhan ah Kuwait ay yihiin kuwo aan sal lahayn gabi ahaanba, si cadna loo diiday.

    ”Wasaaradda Arrimaha Dibadda ee Kuwait ayaa dhacdadan ku tilmaantay “fal cadowtinimo” iyo “weerar cad oo lagu qaaday madaxbannaanida Kuwait.”

20. 14 Maajo 2026In ka badan 10,000 oo guri oo ku yaal Lubnaan ayaa la burburiyay ama la waxyeeleeyay duqeymaha Israe

    In ka badan 10,000 oo guri ayaa soo gaaray burbur u dhexeeya mid gebi ahaanba dumay iyo mid qayb ahaan waxyeelloobay gudaha Lubnaan tan iyo markii uu dhaqan galay xabbad-joojinta u dhexeysa Israa’iil iyo Hezbollah, sida ay Arbacadii sheegtay Golaha Qaranka ee Cilmi-baarista Sayniska.

    Xoghayaha guud ee golahaas, Shadi Cabdullah, ayaa yiri: “Tan iyo bilowgii xabbad-joojinta, laga bilaabo 17-ka Abriil ilaa 8-da May, waxaan diiwaangelinnay in 5,386 guri ay gebi ahaanba burbureen, halka 5,246 guri ay waxyeello soo gaartay.”

    Inkasta oo si rasmi ah loo shaaciyay xabbad-joojin, Israa’iil ayaa sii wadday duqeymaha, gaar ahaan koonfurta Lubnaan, halka Xisbullah ay sheeganayso masuuliyadda weerarro lagu qaaday bartilmaameedyo Israa’iili ah.