NCC Approved Handsets: Lee ụdịrị ekwentị ise na-agaghịzi arụ ọrụ na Nigeria

    • Onye dere ya, Bashir Zubairu Ahmad
    • Ndị mere akụkọ a, Multimedia Journalist
    • Ebeg o si, Abuja
  • Mgbe e biputara ya
  • Oge e ji agụ akụkọ nkeji 3

Ụlọọrụ na-ahụ maka nziritaozi ekwenti bụ Nigerian Communications Commission (NCC) ekwupụtala etu enyocha ekwenti nakwa igwe mgbasaozi ndị mmadụ new na Nigeria ma kwuo na ha ga-amachi ụfọdụ ekwenti na-enweghi ikike ịrụ ọrụ n'obodo.

NCC gwara BBC na usoro ọhụrụ so n'atụmatụ ọhụrụ ha na-eme iji hụụ e ji ezi akụrụngwa na ekwentị ezirita ozi na Nigeria, nke ga-amalite n'Ọktoba 7, 2026 iji belata mfesasị ekwentị adịgboroja.

Ụlọọrụ a kwuru na ha chọrọ ime ka ekwentị niile a na-ere na Nigeria bụ nke ruru ogogo kwesịrị ekwesị ma chekwaa ndị na-eji ya aza oku.

Onye na-arụ maka inye ikike n'ụlọọrụ Nigerian Communications Commission (NCC) bụ Malam Usman Mamman, gwara BBC na "ọ bụghị ihe mbụ, NCC nwere iwu dị etu a".

Skip content and continue reading

End of content

Ihe NCC kwuru

Ụlọọrụ a nyere ndị mmadụ ndụmọdụ, ọkachasị ndị na-azụgharị ekwentị onye ọzọ jiturula, sị ka ha nyochaa ekwentị ahụ tupu ha akwụọ ụgwọ ya, ka ha ghara ịzụ ekwentị na-enweghi ikike ịrụ ọrụ na Nigeria.

"Ekwenti niile dị n'akwụkwọ anyị. Anyị na-enye ikike, ekwentị niile na-abata na Nigeria ka a ga-enyocha. Ọ bụghị iwu ọhụrụ," ka Malam Usman kwuru.

O kwuru na ha ezigarala ndị mmadụ akara pụrụiche iji chọpụta ma ekwentị o tuzuruoke ịrụ ọrụ na Nigeria.

Site n'akara ahụ onye ahụ ga-ama ma NCC o nyochaala ekwentị ya ma ọ bụghị ya ọ chọọ ụzọ nyochaa ya.

Skip Akachasị Gụọ and continue reading
Akachasị Gụọ

End of Akachasị Gụọ

Kedụ ụdịrị ekwentị na akụrụngwa NCC ga-amachi?

NCC kwuru na ọtụtụ ekwentị a na-ebubata na Nigeria adịghị mma, ma ụfọdụ ndị na-anaghị azanwu oku.

Ha kwuru na ụfọdụ ekwentị ndị a nwereike ibute nsogbu nchekwa n'ọha nakwa ihe iyi egwu.

Lee ụfọdụ ekwentị ndị iwu a metụtara

  • Smartphones: Ekwentị ọgbara ọhụrụ na-etozughi oke n'ogugu NCC agaghị enwe ikike ịrụ ọrụ na Nigeria.
  • Basic Mobile Phones: Obere ekwentị ndị ji aza naanị oku maọbụ ezirita ozi so na ndị a ma ọ bụrụ ha etozughi oke.
  • SIM-enabled Tablets and Laptops: Akụrụngwa 'Tablets', obere kọmputa 'laptop', ma 'iPad' na ndị ọzọ na-eji akara njirimaara bụ SIM card maka ịza oku ka a ga-amachi ma ọ bụrụ na ha etozughi oke.
  • Internet of Things (IoT) Devices: Nke a bụ akụrụngwa ndị na-eji intanetị eziritaozi dịka 'routers.

SIM-enabled POS Devices: Nke a ga-emetụtakwa igwe POS e ji adọrọ ego n'ọbaego ma ọ bụrụ na ha etozughi oke ịrụ ọrụ na Nigeria.

Mana NCC bipụtara ozi na websaịt ha ma kwuo na e nweela ụdịrị ekwenti karịrị puku abụọ nweterela ikike ịrụ ọrụ na Nigeria.

Kedụ ihe ị ga-eme ma ọ bụrụ ekwentị enweghi ikike

NCC kwuru na nke a abụghị iwu na ndị nwere ekwentị ga-agbanwe ma sị ha na e wepụtala ọtụtụ usoro ị ga-eji maara ma ekwentị ọ ga-arụnwu ọrụ na Nigeria nke gụnyere;

  • Pịnye akara *315# n'ekwentị gị, ị gaghị akwụ ụgwọ.

Mpụtara ya ga-ezi gị ma NCC o nyochaala ekwentị gị, ọ bụrụ na ha emebeghi ya, a ga-enye gị ntuziaka etu ị ga-esi mee ya.

  • Gaa n'ọbaozi websaịt ha bụ ncc.gov.ng.

Ị ga-ahụ ozi banyere etu I nwereike iji mata ma ekwentị gị o nwere ikike a.

  • Kpọọ akara 622 n'ekwentị gị

Ha ga-akọwara gị etu ị ga-esi enyocha ekwentị gị maọbụ akụrụngwa ndị ọzọ.

A ga-amachi ekwentị na-enweghi ikike ma ụbọchị 30 gachaa

NCC kwuru na ha na-enye ndị nwere ekwentị na Nigeria ụbọchị iri atọ iji nyochaa ma ekwentị ha o nwere ikike ịrụ ọrụ na Nigeria, ekwentị ọbụla na-erughi ntozu oke NCC ma nwere nsogbu agaghị arụ ọrụ na Nigeria.