ज्ञानेश कुमार यांच्या राजीनाम्याच्या मागणीसाठी नेहा बोरा पुन्हा रस्त्यावर, जाणून घ्या काय घडलं

एसआयआरच्या विरोधात सातत्याने आंदोलन करणाऱ्या आयसाच्या राष्ट्रीय अध्यक्षा नेहा बोरा रविवारी (11 ऑक्टोबर) आंदोलकांसह आर. के. आश्रम मार्गावर पोहोचल्या.

घटनास्थळी उपस्थित असलेले बीबीसीचे प्रतिनिधी राघवेंद्र राव यांनी नेहा बोरा यांना पोलिसांनी ताब्यात घेतल्याची पुष्टी केली आहे.

नेहा बोरा यांनी त्यांच्या इंस्टाग्राम अकाउंटवर एक व्हीडिओ पोस्ट केला. या व्हीडिओत त्या इतर लोकांसोबत धावताना दिसत आहे.

2 ऑक्टोबरपासून दिल्लीत मुख्य निवडणूक आयुक्त ज्ञानेश कुमार यांच्या विरोधात सुरू असलेल्या आंदोलनात नेहा बोरा एक प्रमुख चेहरा म्हणून समोर आल्या आहेत. हे आणि जवळपास प्रत्येक आंदोलनानंतर त्यांना पोलिसांनी ताब्यात घेतलं आहे.

शनिवारी (10 ऑक्टोबर) दिल्लीतील जंतर मंतरकडे जाणाऱ्या रस्त्यांवर कडक सुरक्षा व्यवस्था असताना नेहा बोरा अचानक दिल्ली हाट येथे पोहोचल्या आणि त्यांनी तेथे आंदोलन केले. त्यानंतर त्यांना पोलिसांनी ताब्यात घेतले.

रविवारी (11 ऑक्टोबर) त्यांनी आंदोलनाची रणनीती बदलली आणि आंदोलनाचे ठिकाण व वेळ जाहीर करणारा एक व्हीडिओ प्रसिद्ध करून समर्थकांना तिथे पोहोचण्याचे आवाहन केले. त्यानंतर त्या स्वतः आंदोलनात सहभागी झाल्या. यानंतर पोलिसांनी त्यांना ताब्यात घेतलं.

(बीबीसीसाठी कलेक्टिव्ह न्यूजरूमचे प्रकाशन)