Bianca Andreescu: Nwa dị afọ 19 anarala Serena Williams ụra rahụ
Ebe foto si, AFP
Mgbe e biputara ya
Nwa agbọghọ dị afọ iri na itoolu akpọrọ Bianca Andreescu anarala Serena Williams ụra rahụ site n'ịmabụrụ iko US Open nke 2019.
Mmeri a napụrụ Williams ohere ọ kara iji mabuo iko 'Grand Slam' nke iri abụọ na anọ ya.
Iko a bụ 'Grand Slam' nke mbụ Andreescu bụ onye Canada mabuterela kamgbe ọ malitere ịkụ bọọlụ Tenisi.
Ebe foto si, Getty Images
Williams onye dị afọ iri atọ na asaa emenwụghị ọtụtụ ihe Andreescu onye ọbara ya ka na-apụ ọkụ mere n'asọmpị ahụ.
"Afọ a abụrụla nrọ bịara na mmezu," bụ okwu pụrụ n'ọnụ Andreescu mgbe o merichara.
Andreescu onye gosiri obi ụtọ ya nke ukwu kwuru na ọ bụrụ ya nnukwu mbụlịelu na ya na Serena Williams sọkọtara mpi na US Open nke afọ 2019.
