If Infantino go, who fit replace am as Fifa president?

E dey feel like say di walls wan fall ontop Fifa president Gianni Infantino.

Only di Swiss dey one corner afta e scrap di controversial plan to sell off stakes for Fifa competitions to private investment.

As e be so, Infantino dey stand for re-election for March as im dey target im fourth and final term as president.

Im go need 106 votes from di 211 Fifa members to win.

But national associations - wey include di ones from England and Wales don begin to withdraw letters of support for im re-election.

Anoda possibility dey say Fifa Council fit try to force Infantino to resign through emergency meeting.

But if dis na di beginning of di end of his tenure, who fit take over as Fifa president?

Victor Montagliani

Montagliani na di president of Concacaf, wey dey run football for North and Central America and di Caribbean.

Like Infantino, dem bin elect am for 2016 as im bin promise reforms for im governance .

Im be former president of Canada Soccer, Montagliani bin dey heavily involved for di build-up to, and di delivery of, di 2026 World Cup - di first World Cup wey three nations host. Im sabi speak French, Italian, Spanish and English well-well.

Wen im bin dey explain im decision to run for di Concacaf presidency, Montagliani bin tell di BC Business website: "Like anytin, wen I decide to go, I go. I bin campaign on my own dime for three months, I bin go see all 41 kontris, from di US to Bonaire - one small Island off Venezuela."

Montagliani bin take di lead wen Concacaf bin host di expanded Copa America for 2024. For interview wit BBC Sport, im bin reject di idea say e fit kon dey regular.

Politically strong, Im smooth relations around former Arsenal manager Arsene Wenger attempt to gain support for World Cup evri two years, and im bin neva truly buy into di idea of a 64-team tournament.

For di Leaders conference for 2025, im bin outline why im feel say football bin dey strong enuf to ride out any storm.

"Di game dey bigger dan world current leaders," im tok. "Football go survive regimes. E dey cause headache? Of course. You need to dey realistic about am. Na di beauty of our game, e dey bigger dan any individual and kontri."

Sheikh Salman bin Ebrahim Al Khalifa

Di AFC president, Al Khalifa bin first dey elected for 2013 and im bin return unopposed for a fourth term to run until 2027.

Di Bahraini don preside ova significant growth within di Asian confederation, through di Champions League Elite, Champions League Two, di Challenge League and the Women Champions League, wey dem bin launch for 2024-25. Di Asian Cup don expand to 24 teams.

Al Khalifa bin sign off di brutal takedown of how Infantino dey run Fifa and im get 46-members for im confederation.

Many of dem know say di figures wey Infantino dey offer about im plan big pass dia overall football expenditure.

Nasser Al-Khelaifi

Paris St-Germain president Al-Khelaifi bin take ova as chairman of di European Clubs Association afta one kasala wey bin threaten to scata di game to pieces - di European Super League wey bin collapse within 48 hours for 2021.

Al-Khelaifi bin preside ova di name change - to European Football Clubs. More importantly, im bin expand am to more dan 800 members. Of di biggest clubs, only Real Madrid remain outside.

In theory, di Qatari fit be serious challenger to Infantino. But e be like say im no want di position.

"Im genuinely, genuinely, genuinely no want di job," na di response of one source wey dey close to di 52-year-old wen dem bin ask am about di possibility on Thursday.

Mattias Grafstrom

Dem bin appoint am as Fifa secretary general for May 2024, Grafstrom dey becom strong influential voice around di Fifa table.

Im becom Infantino chief of staff afta Infantino election as president for 2016.

Anoda veri visual presence for di World Cup, dem fit see am say im dey too close to Infantino - and di general feeling be say Fifa next president no suppose come from Europe again fit count against am.

Di world go know who di next Fifa president go be afta dem do dia 77th Congress for Morocco next March.

Candidates get until 18 November to submit dia names if dem wan contest for di position.