BBC News, پښتو - کور پاڼه
مهم خبرونه
ملګري ملتونه: ملکي وګړي او ځایونه باید په نښه نه شي
افغانستان کې د پاکستان د وروستیو هوايي بریدونو ته د نړیوالو غبرګونونو لړۍ دوام موندلې. د ملګرو ملتونو ویاند سټیفن دوجارېک ویلي د دغې ادارې عمومي منشي انتونیو ګوتېرېش افغانستان کې د ولسي وګړو د مرګژوبلې په اړه ژوره اندېښنه څرګنده کړې او د ناپوځي بنسټونو او ولسي وګړو پر خوندیتابه یې ټینګار کړی. ویاند زیاته کړې د تېرې یکشنبې په څېر بریدونه د کورنیو د بې ځایه کېدو لامل ګرځي او مرستندویې ادارې د بېړنیو مرستو د رسونې او زیانمنو شویو د اړتیاو پر ارزونې بوختې دي.
برېتانیا: له پناه غوښتونکو به نژدې "۱۰ زره پاونډه" بېرته واخیستل شي
په برېتانیا کې د کډوالۍ د نویو مقرراتو له مخې له هغو کسانو چې په دې هېواد کې ورته پناه ورکول کېږي، د دندې له موندلو وروسته شاوخوا "لس زره پونډه" بېرته اخیستل کېږي. دا پیسې د استوګنې او مالي ملاتړ د لګښتونو په بدل کې له یادو کډوالو بېرته اخیستل کېږي. د نوي مقرراتو له مخې، چې د کډوالۍ او پناه غوښتنې په راتلونکې لایحه کې شامل دي او د سې شنبې پر ورځ به پارلمان ته وړاندې شي، هغه بالغ کسان چې کافي مالي وس لري، له هغوی به وغوښتل شي چې دا پیسې د وخت په تېرېدو سره د قسطونو په بڼه بېرته حکومت ته ورکړي.
د فوټبال نړیوال جام حذفي پړاو کې د مراکش، برازیل او پاراګوای بریا: هالنډ، جرمني او جاپان له سیالیو ووتل
د جاپان او جرمني فوټبال ملي لوبډلې د ۲۰۲۶ کال فوټبال نړیوال جام د ۳۲ غوره لوبډلو په حذفي پړاو کې له ماتو وروسته له سیالیو ووتې. جاپان دوشنبه (د جون ۲۹مه) د امریکا متحدو ایالتونو په هاسټن لوبغالي له برازیل او ورپسې جرمني په بوسټن کې له پاراګوای سره سیالي درلوده. برازیل جاپان ته دوه-یو او پاراګوای بیا جرمني ته له اضافي وخت وروسته په پاینلتیو کې د یوه ګول په توپیر څلور-درې ماته وکړه.
سېاېناېن وايي د ټرمپ ځانګړی استازی دوحې ته روان شوی
دوو امریکايي چارواکو سياېناېن تلویزیوني شبکې ته ویلي، چې منځني ختیځ لپاره د ډونلډ ټرمپ ځانګړی استازی سټېف ویټکاف دوحې ته روان شوی دی. تر اوسه مشخصه نه ده چې له هغه سره په دغه سفر کې د ټرمپ زوم جارېد کوشنر هم ملګری دی، که څنګه. تر دې ورمخکې د امریکا متحدو ایالتونو ولسمشر نن (سېشنبه د جون ۳۰مه) په دوحه کې د خپلو استازو او ایران ترمنځ د نویو مذاکراتو اعلان کړی او ویلي وو چې دا خبرې "ښايي مهمې" وي.
ملګري ملتونه: په افغانستان کې د پاکستان په بریدونو کې ملکیان په نښه شوي
په افغانستان کې د ملګرو ملتونو مرستندویې استازولۍ، یوناما، ویلي چې پر پکتیا، پکتیکا، او کونړ ولایتونو یې د پاکستان د دوشنبې شپې هوايي بریدونو کې د لږ تر لږه اته ویشتو ملکي وګړو د وژل کېدو او د نژدې پنځوسو نورو د ټپي کېدو پخلی کړی دی. دې ادارې په یوه ویناپاڼه کې ویلي، چې دا لومړنۍ شمېرې دي او د لوړېدو امکان یې شته. یوناما نړیوال بشري قانون ته د درناوي او د ولسي وګړو د خوندیتابه غوښتنه کړې ده.
د ۲۰۲۶ نړیوال جام: لوبې او پایلې
د ګول وهلو زړه پورې شېبې، پایلې او بل پړاو ته د لوبډلو لار موندل
بي بي سي پښتو اوس پر وټساپ هم شته
په خپل ګرځنډه ټلیفون کې د بي بي سي پښتو تازه خبرونه، څېړنیز رپوټونه او د افغانستان، پاکستان او نورې نړۍ په اړه ځانګړې معلوماتي لیکنې لوستلی شئ.
ځانګړي مطالب
په څمکنيو ولسوالۍ کې د پاکستان بریدونو پر مهال عیني شاهدانو څه ولیدل؟
"زه همدا اوس په جنازه کې وم. ډېر بد حالت و. ډلهييزه جنازه مو وکړه. تقریباً د ۱۱ کسانو جنازه یو ځای وشوه. د درېیو بل ځای وې او د دوو نورو په یوه بل ځای کې وشوې او د دوو شهیدانو جنازې لا پر لاره دي". دا د پکتیا څمکنیو ولسوالۍ نه د یوه ځايي اوسېدونکي او عیني شاهد هاشمخېل هاشمي خبرې دي. دی د هغو کسانو د جنازې په مراسمو کې له ګډون وروسته له بيبيسي سره غږېده چې د پاکستان د تېرې شپې په هوايي بریدونو کې وژل شوي دي او د ده په وینا، خاورو ته د سپارلو په مراسمو کې له ډنډې پټان، لژې منګل او په خپله د څمکنۍ ولسوالۍ "زرګونه خلکو" ګډون کړی و.
د افغانستان په وړاندې د پاکستان په سیاست کې څه بدلون راغلی؟
د پاکستاني طالبانو او د جماعت الاحرار په څير نورو ډلو چې ورته ایډیالوژي او عملیاتي تګلارې لري، په خپلو پرلپسې بریدونو، اسلام اباد یې په "درېیو ډګرونو کې" له ستونزو او سختو غوراویو سره مخامخ کړی دی. پاکستان له یوې خوا په افغانستان کې د طالبانو له حکومت سره په خبرو کې کومې پایلې ته ونه رسېد، له بلې خوا په پرلپسې ډول د بریدونو له ډېروالي سره مخامخ شوی دی. د یوې څيړنې له مخې له ۲۰۲۲ کال څخه تر ۲۰۲۴م کاله پورې یعنې په څلورو کلونو کې پاکستان کې "سل ځانمرګي بریدونه" شوي دي.
د ماه رنګ بلوڅ خور: هغه کسان هم نیول کېږي چې ملاتړ ته راځي یا اوبه راکوي
د بلوڅ یووالي کمېټې د مشرې ماه رنګ بلوڅ خور نادیه بلوڅ یکشنبه (جون ۲۸مه) د جبري بېدرکه شویو کسانو موندلو لپاره په کوټه کې جوړ شوي احتجاجي کمپ کې په یوه خبري کنفرانس کې برخه واخیسته. له هغې سره ځینې وکیلان، د بشري حقونو فعالان او د څو سیاسي ګوندونو ځايي مشران هم مله وو. دا خبري کنفرانس داسې حال کې ترسره کېده چې د کمپ شاوخوا د پولیسو ګڼ شمېر ځواکونه ځای پر ځای او د زندان یو موټر هم وروستل شوی و.
د امریکا د ۲۵۰مې کلیزې لپاره د دې هېواد ځینو پاسپورټونو کې د ټرمپ انځور چاپ شوی
د ولسمشر ټرمپ ادارې د امریکا د ۲۵۰مې کلیزې د لمانځنې لپاره د دې هېواد پاسپورټ یوه نوې ځانګړې بڼه معرفي کړې، چې د ولسمشر ډونالډ ټرمپ عکس پکې دی خو دا ډول پاسپورټونه کم چاپ شوي. ټرمپ د جمعې په ورځ په ټولنیزو رسنیو کې د پاسپورټ د نوې ډیزاین شوې پاڼې انځور خپور کړ. په دې پاڼه کې د هغه انځور ښکاري، چې خپل لاسونه یې موټی کړي او د "ریزالیوټ (امریکا ته د برېتانیا د یوې پخوانۍ ملکې لخوا ورکړل شوې ډالۍ" پر مېز یې لګولي دي، د شالید په برخه کې د امریکا د خپلواکۍ اعلامیه ښکاري، چې لاسلیک یې ترې لاندې چاپ شوی دی.
د بي بي سي د درس پروګرامونو ټولګه
د بي بي سي د درس پروګرامونو ټولګه
افغانستان لپاره د بيبيسي ټلوېزیوني خپرونې
بيبيسي نیوز افغانستان چې د سپوږمکۍ (سټلایټ) له لارې خپرېږي، د افغانستان، سیمې او نړۍ پر سیاست، اقتصاد، کلتور، لوبو او ټولنیزو چارو پام ساتي. دا خپرونې پر پښتو او دري ژبو خپرېږي .
غواړئ چې انټرنېټ مو ډېر مصرف نشي؟
د وېبسایټ هغه بڼه ولولئ چې یوازې متن لري او لږ انټرنېټ کاروي.
تازه خبرونه واورئ
راتلونکې برخه واورئ , خبرهای نیمه روز, ۱۳:۰۰, ۳۰ جون ۲۰۲۶, ۱۴،۳۰ موده
تازه ترین اخبار از افغانستان، منطقه و جهان
واورئ, غرمني خبرونه, ۰۹:۳۰, ۳۰ جون ۲۰۲۶, ۱۴،۳۰ موده
د افغانستان، سيمې او نړۍ وروستي خبرونه
واورئ, خبر او نظر, ۱۵:۳۰, ۲۹ جون ۲۰۲۶, ۲۹،۳۰ موده
دا خپرونه له بي بي سي پښتو اورئ
واورئ, دویمه سترګه, ۱۵:۰۰, ۲۹ جون ۲۰۲۶, ۳۰،۰۰ موده
ماښامنۍ خبري راډيويي خپرونه
نړۍ دا وخت
د بي بي سي پښتو ټلویزیوني خپرونه چې هره ورځ د افغانستان په شپږ بجو په ژوندۍ بڼه خپرېږي.
