ஐரோப்பா முழுதும் பகலை இருளாக்கிய பிரமிக்க வைக்கும் சூரிய கிரகணம் - கண்ணை கவரும் படங்கள்

பல தசாப்தங்களில் ஐரோப்பாவில் ஏற்பட்ட மிக முக்கியமான சூரிய கிரகணத்தை புதன்கிழமை கோடிக்கணக்கான மக்கள் கண்டுகளித்தனர். சில நொடிகள் மட்டுமே நீடித்த அந்தக் காட்சியில், சந்திரன் சூரியனை மறைத்ததால் சூரியன் மறைந்தது.

பிரிட்டனின் பெரும்பாலான பகுதிகளில் 90 சதவிகிதத்துக்கும் அதிகமான சூரியனை சந்திரன் மறைத்ததை மக்கள் கண்டனர்.

1999ஆம் ஆண்டுக்குப் பிறகு இந்த சூரிய கிரகணம் மிகப்பெரிய அளவில் நடந்துள்ளது.

அதேநேரம், கிரீன்லாந்து, ஐஸ்லாந்து மற்றும் ஸ்பெயினின் சில பகுதிகளில் அரிதான முழு சூரிய கிரகணம் தெரிந்தது.

வெளிச்சம் குறையத் தொடங்கியதும், கண்டம் முழுவதும் மக்கள் கூட்டம் கூட்டமாக வானத்தை நோக்கிப் பார்த்து இந்தக் காட்சியைக் கண்டுகளித்தனர்.

சூரியனின் கடைசி கதிர்களும் மறைந்தபோது சிலர் உற்சாகமாகக் குரல் எழுப்பினர். மற்றவர்கள் அமைதியாக அந்தக் காட்சியைப் பார்த்தனர்.

சூரியனை சந்திரன் முழுமையாக மறைத்த பகுதிகளில் இருந்தவர்கள் இரண்டு நிமிடங்களுக்கும் குறைவான நேரம் இருளை அனுபவித்தனர். பின்னர் ஒளி மீண்டும் தோன்றத் தொடங்கியது.

ரஷ்யாவின் சைபீரியாவின் முனைப்பகுதியில் முழு சூரிய கிரகணம் தொடங்கியது. முழு கிரகணப் பாதை ஐஸ்லாந்துக்கும் கிரீன்லாந்துக்கும் இடையே வளைந்து சென்று, பின்னர் அட்லாண்டிக் பெருங்கடலைக் கடந்து வடக்கு ஸ்பெயினை நோக்கிச் சென்றது.

நிலப்பரப்பில் முழு சூரிய கிரகணத்தைக் காண முடிந்த கடைசி இடங்கள் மஜோர்கா மற்றும் மெனோர்கா தீவுகள் ஆகும். பின்னர் சூரியன் மறைந்தபோது, கிரகணத்தின் நிழல் மத்தியதரைக் கடலில் மறைந்தது.

- இது, பிபிசிக்காக கலெக்டிவ் நியூஸ்ரூம் வெளியீடு